༄༅།།སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི་གྲུབ་འབྲས་འགྲེམས་སྟོན་
པེ་ཅིང་དུ་བྱེད་འགོ་བརྩམས་པ།

     མི་དམངས་དྲ་བའི་འཕྲིན། ཟླ་9ཚེས་4ཉིན་སི་ཁྲོན་ཞིང་ཆེན་རྔ་བ་བོད་རིགས་ཆའང་རིགས་རང་སྐྱོང་ཁུལ་གྱི“མཛེས་སྡུག་ལྡན་པའི་རྔ་བ། པེ་ཅིང་དུ་འཛོམས་པ”ཞེས་པའི་གྲུབ་འབྲས་འགྲེམས་སྟོན་པེ་ཅིང་མི་རིགས་རིག་གནས་ཕོ་བྲང་དུ་བྱེད་འགོ་བརྩམས་ཤིང་། འགྲེམས་སྟོན་འདི་ལ་འགོ་རྩམ་ཚོམས་ཁང་དང་། ཚོམས་ཁང་མདུན་མ། ཚོམས་ཁང་ཤར་མ། ཚོམས་ཁང་ནུབ་མ་བཅས་ཚོམས་ཁང་བཞི་རུ་ཕྱེ་ཡོད་པ་དང་།  རེ་རེ་བཞིན་དུ་རྔ་བའི་ས་ཁམས་ཀྱི་སྤྱིའི་གནས་ཚུལ་དང་། དཔལ་འབྱོར་འཛུགས་སྐྲུན། ཐོན་ལས་འཕེལ་རྒྱས་སོགས་ཀྱི་ཐད་ཕྱོགས་ཡོངས་ནས་རྔ་བ་ཁུལ་དབུ་བརྙེས་ནས་ལོ་60ལྷག་ཙམ་རིང་གི་འཛུགས་སྐྲུན་དང་། བསྒྱུར་བཅོས། འཕེལ་རྒྱས་བཅས་ཀྱི་བརྒྱུད་རིམ་འགྲེམས་སྟོན་བྱས་ཡོད་ཅིང་། འགྲེམས་སྟོན་འདིའི་དུས་ཡུན་ཟླ་9ཚེས་10ཉིན་བར་རྒྱུན་མཐུད་བྱེད་རྒྱུ་རེད།