༄༅།།2016ལོའི་བྱང་ཐང་འཆར་ཅན་གེ་སར་རྟ་རྒྱུག་སྒྱུ་རྩལ་དུས་ཆེན་མཇུག་བསྒྲིལ་བ།

     མི་དམངས་དྲ་བའི་འཕྲིན། ཟླ་8ཚེས་14ཉིན“ངོ་མཚར་ཆེ་བའི་བྱང་ཐང་། མཛེས་སྡུག་ལྡན་པའི་ནག་ཆུ”ཞེས་པ་བརྗོད་དོན་གཙོ་བོར་བྱས་པའི་2016ལོའི་བོད་ལྗོངས་ནག་ཆུ་ས་ཁུལ་གྱི་འཆར་ཅན་གེ་སར་རྟ་རྒྱུག་སྒྱུ་རྩལ་འགྲན་བསྡུར་ནག་ཆུའི་གེ་སར་རྟ་རྒྱུག་ཐང་དུ་མཇུག་བསྒྲིལ་བ་རེད། ཐེངས་འདིའི་རྟ་རྒྱུག་དུས་ཆེན་གྱི་དུས་ཡུན་ཉིན་4ཡིན་ཞིང་། འགྲན་བསྡུར་རྣམ་གྲངས་སུ་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་དང་། རྟ་རྒྱུག་འགྲན་བསྡུར། རྟ་ཐོག་ནས་ཁ་བཏགས་སྒྲུག་པ། རྟ་ཐོག་ནས་མདའ་འཕེན་པ། འགྲོས་འགྲན་བསྡུར་སོགས་ཀྱི་བྱེད་སྒོ་སྤེལ་བ་རེད། འདི་ནི་སྤྱི་ལེ་10ཡི་སྲོལ་རྒྱུན་རྟ་རྒྱུག་འགྲན་བསྡུར་ཆེན་མོར་ཞུགས་མཁན་རྟ་པ་ཚོ་གེ་སར་རྟ་རྒྱུག་ཐང་གི་མཇུག་གནས་སུ་སླེབས་པའི་ཚུལ་ཡིན་པ།