༄༅།།བོད་ལྗོངས་སུ"འབྲི་གུང་སྤྲེལ་ལོའི་འཕོ་བ་ཆེན་པོ"འཚོགས་པ།

     སྤྱི་ཟླ་8ཚེས་14ཉིན་ནི་བོད་ལྗོངས་ལྷ་ས་གྲོང་ཁྱེར་གྱི་འབྲི་གུང་བཀའ་བརྒྱུད་པའི"སྤྲེལ་ལོའི་འཕོ་བ་ཆེན་པོ"ཡི་བྱེད་སྒོ་མཐོ་རླབས་འཕྱུར་ཏེ་བོད་ལྗོངས་དང་ནང་ལོག་ས་ཁུལ་སོགས་ཀྱི་དད་ལྡན་པ་འབུམ་དུ་མ་མཇལ་ཁ་ཞུ་བར་བཀུག་ཡོད་པ་རེད།
     "འབྲི་གུང་སྤྲེལ་ལོའི་འཕོ་བ་ཆེན་པོ"ནི་འབྲི་གུང་བཀའ་བརྒྱུད་ཀྱིས་རྒྱུད་འཛིན་བྱེད་པའི་སྲོལ་རྒྱུན་གྱི་འདུ་ཚོགས་ཤིག་ཡིན་ལ། དེ་ནི་བོད་རྩིས་ཀྱི་སྤྲེལ་ལོའི་སྐབས་སུ་འཚོག་བཞིན་ཡོད་ཅིང་། ད་ལྟའི་བར་ལོ་ངོ་300ལྷག་གི་ལོ་རྒྱུས་ལྡན་པ་རེད། འདི་ལོའི་འདུ་ཚོགས་ནི་སྤྱི་ཟླ་8ཚེས་12ཉིན་ནས་ཚེས་14ཉིན་བར་སྤེལ་བ་དང་། ས་གནས་ནི་ས་བབ་མཐོ་ཚད་སྨི་4000ལྷག་ཡོད་པའི་འབྲི་གུང་མཐིལ་རྩྭ་ཐང་དུ་རེད།