༄༅།།བོད་ལྗོངས་མཚུར་ཕུ་དགོན་པར་གོས་སྐུ་བཤམས་པ།

     མི་དམངས་དྲ་བའི་འཕྲིན། ཟླ་5ཚེས་29ཉིན་བོད་བརྒྱུད་ནང་བསྟན་ཀརྨ་བཀའ་བརྒྱུད་པའི་བོད་ལྗོངས་མཚུར་ཕུ་དགོན་པར་ལོ་རེར་གོས་སྐུ་ཐེངས་རེ་གཤོམ་པའི་ཆོ་ག་འཚོགས་ཤིང་། མཐོ་ཚད་ལ་སྨི་38དང་ཞེང་ཚད་ལ་སྨི་35ཡོད་པའི་གོས་སྐུ་གནམ་སྔོན་པོའི་འོག་ཏུ་བཤམས་ཏེ་ས་གནས་ཁག་ནས་ཕེབས་པའི་དད་ལྡན་པ་ཚོར་མཇལ་ཁ་དང་གཡང་གསོལ་ཞུ་རུ་བཅུག
     མཚུར་ཕུ་དགོན་པ་ནི་ཀརྨ་བཀའ་བརྒྱུད་པའི་མ་དགོན་ཡིན་ཞིང་། ལོ་ངོ་800ལྷག་གི་ལོ་རྒྱུས་ལྡན་པ་དང་། གོས་སྐུ་གཤོམ་པ་ནི་བོད་བརྒྱུད་ནང་བསྟན་གྱི་དགོན་པས་གོས་ཆེན་གྱིས་བཟོས་པའི་སྐུ་བརྙན་ཆེན་པོ་གཤོམ་པའི་ཆོས་ལུགས་ཀྱི་ཆོ་ག་གཟབ་རྒྱས་ཤིག་རེད། ཤིན་ཧྭ་གསར་འགྱུར་ཁང་གི་གསར་འགོད་པ་ཇོ་རྒོད་ཀྱིས་པར་བླངས། 【1】  【2】  【3】  【4】  【5】  【6】