༄༅།།ཤང་ཀང་དུ“ནང་བསྟན་གི་ཐང་ག་སྒྱུ་རྩལ་དང་བོད་བརྒྱུད་ནང་བསྟན་གྱི་བཟོ་རྩལ་
ཐོན་རྫས་འགྲེམས་སྟོན”བྱས་པ།

     མི་དམངས་དྲ་བའི་འཕྲིན། ཉེ་ཆར་ཤང་ཀང་ཏ་ཅུའེ་ཧྥུའུ་ཧང་ལྟེ་གནས་དང་ཁ་ན་ཏའི་པའོ་ལིན་ནང་བསྟན་སློབ་སྦྱོང་ལྷན་ཚོགས་ཀྱིས་གཙོ་གཉེར་བྱས་པའི“ནང་བསྟན་གི་ཐང་ག་སྒྱུ་རྩལ་དང་བོད་བརྒྱུད་ནང་བསྟན་གྱི་བཟོ་རྩལ་ཐོན་རྫས་འགྲེམས་སྟོན”ཤང་ཀང་དུ་འགྲེམས་སྟོན་བྱེད་འགོ་བརྩམས་ཤིང་། འགྲེམས་སྟོན་བྱས་རྫས་ཁྱོན་བསྡོམས་150ལྷག་ཙམ་ཡོད་ཅིང་། དེའི་ཁྲོད་ནང་བསྟན་གྱི་འཇིམ་རྐོས་དང་། བོད་བརྒྱུད་ནང་བསྟན་གྱི་ཆོས་ཆས། གནའ་བོའི་ཐང་ག་སོགས་ཡོད་པ་རེད། ལྟ་སྐོར་བྱེད་མཁན་རྣམས་ཀྱིས་ལོ་ངོ་སྟོང་ཕྲག་སྔོན་ལ་བསྐྱོད་པ་དང་གནའ་བོ་དང་དེང་རབས་བར་ཕར་འགྲོ་ཚུར་ཡོང་བྱས་པ་ལྟར་བོད་ཀྱི་རིག་གནས་ཀྱི་སྙིང་བཅུད་མྱོང་ཚོར་ཟབ་པོ་བྱེད་རྒྱུ་རེད།