༄༅།།བོད་ལྗོངས་གཞིས་རྩེའི་གེགས་ཁུལ་གྱི་བྱིས་པ་ལྷ་སར“དྲུག་གཅིག”གཏོང་བར་སླེབས་པ།

     མི་དམངས་དྲ་བའི་འཕྲིན། ཟླ་5ཚེས་29ཉིན་ལྷ་ས་གུང་གཞོན་སྡེ་ཚོགས་གྲོང་ཨུད་དང་ལྷ་ས་གྲོང་ཁྱེར་ལོ་ཆུང་གདོང་ལེན་རུ་ཁག་ལས་དོན་ཨུ་ལྷན་གྱིས་གཞིས་རྩེ་གུང་གཞོན་སྡེ་ཚོགས་གྲོང་ཨུད་དང་གཞིས་རྩེ་ལོ་ཆུང་གདོང་ལེན་རུ་ཁག་ལས་དོན་ཨུ་ལྷན་དང་མཉམ་དུ“སྐེ་དར་དམར་པོ་མཉམ་འཛོམས་ཀྲུང་གོའི་ཕུགས་འདུན་མངོན་འགྱུར་བྱེད——གཅིག་སེམས་གཅིག་སྦྲེལ་ཁྱིམ་གཞིས་གསར་པ་བསྐྲུན”ཞེས་པའི་བྱེད་སྒོ་སྤེལ་ནས“4·25”གཞིས་རྩེའི་ས་ཡོམ་གྱི་གནོད་འཚེ་ཚབས་ཆེན་ཕོག་ཁུལ་གཉའ་ལམ་རྫོང་འགྲམ་གྲོང་རྡལ་ལྟེ་བའི་སློབ་ཆུང་གི་གྲོགས་པོ་ཆུང་ཆུང་20ལྷ་སར་འཁྲིད་དེ་ལྷ་སའི་གྲོགས་པོ་ཆུང་ཆུང་དང་མཉམ་དུ“དྲུག་གཅིག”གཏོང་བ་དང་གྲོང་ཁྱེར་གྱི་འཚོ་བ་ཉམས་སུ་མྱོང་བ་དང་བརྩེ་སེམས་ཚོར་བ་བྱས། འདི་ནི་ཉིན་དེར་ལྷ་སའི་གྲོགས་པོ་ཆུང་ཆུང་ཞིག་གིས་གཉའ་ལམ་རྫོང་འགྲམ་གྲོང་རྡལ་ལྟེ་བའི་སློབ་ཆུང་གི་གྲོགས་པོ་ཆུང་ཆུང་ཞིག་ལ་ཁ་བཏགས་གཡོགས་པའི་གནས་ཚུལ་ཡིན་པ།