༄༅།།ནེ་པ་ལར་ས་ཡོམ་ཆེན་པོ་བྱུང་སྐབས་འགྲམ་གྲོང་རྡལ་དུ་བཅའ་སྡོད་བྱེད་པའི་བོད་ལྗོངས་
དམག་ཁུལ་ཁང་གི་མཐའ་སྲུང་བརྒྱ་ཤོག་ག་གེ་མོ།

     མི་དམངས་དྲ་བའི་འཕྲིན། "4.25"ནེ་པ་ལར་ས་ཡོམ་ཆེན་པོའི་ཤུགས་རྐྱེན་ཐེབས་པའི་དབང་གིས་བོད་ལྗོངས་ཀྱི་མཐའ་མཚམས་སུ་ཆགས་ཡོད་པའི་འགྲམ་གྲོང་རྡལ་གྱི་འགྲིམ་འགྲུལ་དང་། འཕྲིན་ལམ་སོགས་ཆད་དེ"ཁེར་ཆགས་གླིང་ཕྲན"ལྟ་བུར་གྱུར། འགྲམ་གྲོང་རྡལ་དུ་བཅའ་སྡོད་བྱེད་པའི་བོད་ལྗོངས་དམག་ཁུལ་ཁང་གི་མཐའ་སྲུང་བརྒྱ་ཤོག་ག་གེ་མོའི་དཔོན་དམག་བརྒྱ་ཕྲག་ལྷག་གིས་ས་ཡོམ་རྗེས་ཀྱི་ཉེན་ཁ་དང་གོད་ཆག་ཆེ་བའི་སྐབས་སུ་དཔའ་ངར་ཆེ་སྐྱེད་ཀྱིས་གནོད་ཐེབས་མང་ཚོགས་ཀྱི་ཚེ་སྲོག་མྱུར་སྐྱོབ་བྱེད་པའི་འོས་འགན་ཕྲག་ཏུ་ཁུར་ཏེ་ས་གནས་དེ་གའི་མང་ཚོགས་2000ལྷག་ཙམ་བདེ་བླག་ངང་མྱུར་སྐྱོབ་དདང་། བདེ་བཀོད། གནས་སྤོར་བཅས་བྱས་པ་རེད།