༄༅།།གད་སྙིགས་གཅེས་ནོར་དུ་གྱུར་པ།

     མི་དམངས་དྲ་བའི་འཕྲིན། འདི་ལོ་ནས་བཟུང་། ཧོ་པེ་ཞིང་ཆེན་ཐང་ཧྲན་གྲོང་ཁྱེར་གྲུ་ཁའི་དཔལ་འབྱོར་གསར་སྤེལ་ཁུལ་གྱིས་ལྗང་མདོག་འཕེལ་རྒྱས་དང་སྣོད་བཅུད་སྲུང་སྐྱོང་གི་གོམ་སྟབས་མགྱོགས་སུ་གཏོང་ཆེད། མ་དངུལ་བཏང་ནས་འཚོ་བའི་གད་སྙིགས་དང་། རྒྱ་མཚོའི་གྲུ་གཟིངས་ཀྱི་གད་སྙིགས། གྲུ་གཟིངས་ཀྱི་ཆུ་སྙིགས་དང་སྣུམ་སྙིགས་བཅས་ཕྱོགས་བསྡུས་གཙང་སེལ་བྱེད་པའི་རྣམ་གྲངས་གསར་སྐྲུན་བྱས་པ་དང་། རིགས་དབྱེ་གདམ་གསེས་དང་། འགྱིག་ཤོག་ལ་བསྒྲིལ་ནས་གཙང་སེལ། སྐྱེ་ལྡན་སྙིགས་རོ་ཞིབ་མོ་བཟོ་བ་སོགས་ཀྱི་ལག་རྩལ་སྤྱད་དེ་འཚོ་བའི་གད་སྙིགས་གཙང་སེལ་བྱས་ནས་འགྱིག་ཤོག་རྡོག་པོ་དང་སྐྱེ་ལྡན་ལུད་སོགས་བཟོས་ནས་ཕྱིར་ཚོང་བྱས་པས་གད་སྙིགས་གནོད་མེད་ཅན་དུ་ཐག་གཅོད་ཐུབ་པ་དང་འབྲེལ། དཔལ་འབྱོར་གྱི་ཕན་འབྲས་བཟང་པོ་ཐོན་ཡོད་པ་རེད།