༄༅།།དགའ་སྤྲོའི་ཞབས་བྲོ་མི་བརྒྱབ་ག་ལ་སྲིད།

     མི་དམངས་དྲ་བའི་འཕྲིན། ཤེས་རྟོགས་བྱུང་བར་གཞིགས་ན། ན་ནིང་བོད་ལྗོངས་ཡོངས་ཀྱི་དམངས་ཁྲོད་སྒྱུ་རྩལ་ཚོགས་པས་རིག་རྩལ་འཁྲབ་སྟོན་ལེ་ཚན་1164གསར་རྩོམ་ཁྱབ་སྤེལ་བྱས་ནས་ཞིང་འབྲོག་ཁུལ་དུ་ཟབ་འཇུག་གིས་འཁྲབ་སྟོན་ཐེངས་8000ལྷག་བྱས་ཡོད་ཅིང་། གསར་རྩོམ་དང་འཁྲབ་སྟོན་བྱས་གྲངས་ལོ་རྒྱུས་ཐོག་མང་ཤོས་ཟིན་པ་དང་དུས་མཚུངས་སུ་གྲོང་གསེབ་ཀྱི་རིག་རྩལ་རུ་ཁག་ལ་གསབ་ཁྲིད་བྱ་རྒྱུ་དང་། དམངས་ཁྲོད་ཕུལ་བྱུང་གི་སྲོལ་རྒྱུན་རིག་གནས་རྒྱུན་འཛིན་དང་སྲུང་སྐྱོང་བྱ་རྒྱུ་སོགས་ཀྱི་ལས་འགན་ཁུར་བ་དང་། རྒྱལ་ཡོངས་དང་བོད་རང་སྐྱོང་ལྗོངས་ཀྱི་མང་ཚོགས་ཀྱི་རིག་གནས་བྱེད་སྒོ་ཆེ་གྲས་རབ་དང་རིམ་པར་ཞུགས་ནས་བོད་རང་སྐྱོང་ལྗོངས་ཀྱི་གཞི་རིམ་རིག་གནས་ལས་དོན་འཕེལ་རྒྱས་གཏོང་བར་ལེགས་སྐྱེལ་གལ་ཆེ་ཕུལ་བ་རེད།