༄༅།།ཧར་པིན་གྱི་གངས་འཁྱགས་འཇིག་རྟེན་ཆེན་མོ་སྐབས་བཅོ་བརྒྱད་པའི་སྒོ་དངོས་སུ་ཕྱེ་བ།

        མི་དམངས་དྲ་བའི་འཕྲིན། ཟླ་དང་པོའི་ཚེས་5ཉིན་གྱི་དགོང་མོར། འཛམ་གླིང་ཐོག་གངས་འཁྱགས་བརྗོད་བྱར་བྱས་པའི་སྒོ་ཕྱིའི་སྤྲོ་སྐྱིད་གླིང་ཆེ་ཤོས་ཧར་པིན་གངས་འཁྱགས་དུས་ཆེན་གྱི་ཚོགས་ར་གཙོ་བོ་སྟེ་ཧར་པིན་གངས་འཁྱགས་འཇིག་རྟེན་ཆེན་མོའི་སྒོ་དངོས་སུ་ཕྱེ་བ་རེད། སྐབས་འདིའི་གངས་འཁྱགས་འཇིག་རྟེན་ཆེན་མོ་ནི་སྤེལ་རེས་མྱོང་རོལ་གྱི་རོལ་རྩེད་ལེ་ཚན་ཆེས་མང་བའི་ལོ་ཞིག་ཡིན་པ་དང་། གངས་འཁྱགས་སྨི་གྲུ་བཞི་ལྷམ་པ་ཁྱོན་བསྡོམས་ཁྲི་30ཙམ་བེད་སྤྱད་དེ་རིགས་མི་གཅིག་པའི་བཟོ་དབྱིབས་2000ལྷག་ཙམ་ཡོད་པའི་གངས་འཁྱགས་ཀྱི་བྱིས་སྒྲུང་འཇིག་རྟེན་ཞིག་བཟོས་ཡོད་པ་རེད།