༄༅།།བོད་ཀྱི་གླུ་བྲོའི་ཟློས་གར་《གེ་སར་རྒྱལ་པོའི་རྟ་རྒྱུག་རྒྱལ་འཇོག་》ཏུང་དབྱིང་དུ་བསྟན་པ།

       མི་དམངས་དྲ་བའི་འཕྲིན། ཟླ་12ཚེས་27ཉིན་གྱི་དགོང་མོར། རྨ་ཆུའི་ཆུ་འགོ་གནས་ཡུལ་མཚོ་སྔོན་ཞིང་ཆེན་ཡུལ་ཤུལ་བོད་རིགས་རང་སྐྱོང་ཁུལ་ཆུ་དམར་ལེབ་རྫོང་གིས་བཏོད་པའིགླུ་བྲོའི་ཟློས་གར་《གེ་སར་རྒྱལ་པོའི་རྟ་རྒྱུག་རྒྱལ་འཇོག་》དེ་རྨ་ཆུ་རྒྱ་མཚོར་འབབ་ཡུལ་ཧྲན་ཏུང་ཞིང་ཆེན་ཏུང་དབྱིང་གྲོང་ཁྱེར་གྱི་ཞུའེ་ལེན་ཟློས་གར་ཁང་ཆེན་མོར་འཁྲབ་པ་རེད། ཆ་རྒྱུས་བྱུང་བ་ལྟར་ན། ཟློས་གར་དེ་ནི་ཇོ་རུ་སྐྱེས་པ་དང་། འཚར་ལོངས་བྱུང་བ། རྟ་རྒྱུག་རྒྱལ་འཇོག་བཅས་སྐོར་གྱི་མི་སྣ་དང་གཏམ་རྒྱུད་རབ་དང་རིམ་པ་བརྗོད་བྱར་བྱས་ཏེ་ཇོ་རུ་ཁྲི་ལ་བཞུགས་པའི་སྐབས་ཀྱི་རྨ་ཆུའི་ཆུ་འགོའི་དུས་སྟོན་མང་པོ་སྤེལ་བའི་བྱེད་སྒོ་དང་། དམངས་སྲོལ་གོམས་གཤིས། བོད་མི་རིགས་ཀྱི་རིག་གནས་བཅས་བསྟན་ཡོད་པ་རེད། 【1】  【2】  【3】  【4】  【5】  【6】  【7】  【8】