༄༅།།བོད་ལྗོངས་ནག་ཆུ་རུ་རྡོ་ཁུར་བའི་འགྲན་བསྡུར་སྤེལ་བ།

    མི་དམངས་དྲ་བའི་འཕྲིན། ཟླ་8ཚེས་10ཉིན་2016ལོའི་བོད་ལྗོངས་ནག་ཆུ་ས་ཁུལ་འཆར་ཅན་གེ་སར་རྟ་རྒྱུག་སྒྱུ་རྩལ་དུས་ཆེན་གཏོང་འགོ་ཚུགས་པ་རེད། འགོ་ཚུགས་མཛད་སྒོ་འཚོགས་པའི་ཉིན་དེར་རྡོ་འགྱོགས་འགྲན་བསྡུར་གྱིས་མི་རྣམས་ལ་མིག་གི་དགའ་སྟོན་མི་ཉུང་བ་ཞིག་སྟེར་ཞིང་། འགྲན་ཞུགས་མི་སྣས་སྐར་མ་5ཡི་ནང་ཚུན་སྤྱི་རྒྱ་100ལྷག་ཡོད་པའི་རྡོ་འགྱོགས་ནས་ཐག་ཇི་ལྟར་རིང་བར་བསྐྱོད་ཐུབ་ན་ཁོང་ནི་རྒྱལ་ཁ་ཐོབ་མཁན་དུ་བརྩི་རྒྱུ་རེད། ནག་ཆུ་ས་ཁུལ་གྱི་འབྲི་རུ་དང་། སྦྲ་ཆེན། སོག་རྫོང་། སྙན་རོང་བཅས་རྫོང་བཞི་ནས་ཡོང་བའི་ཞིང་པ་དང་འབྲོག་པ་21འགྲན་བསྡུར་ལ་ཞུགས་པ་རེད།