༄༅།།ས་ཡོམ་གྱིས་ཤུགས་རྐྱེན་ཐེབས་པའི་ལྷོ་ཁའི་མཚོ་སྣ་རྫོང་།

     མི་དམངས་དྲ་བའི་འཕྲིན། པར་རིས་འདི་དག་ནི་ཟླ་4ཚེས་14ཉིན་གྱི་ཞོགས་པར་པར་དུ་བླངས་པའི་གངས་ཆེན་བབས་རྗེས་ཀྱི་བོད་ལྗོངས་ལྷོ་ཁ་ས་ཁུལ་མཚོ་སྣ་རྫོང་གི་ཁྲོམ་ལམ་གྱི་རྣམ་པ་རེད། 2016ལོའི་ཟླ་4ཚེས་13ཉིན་གྱི་ཆུ་ཚོད་21དང་སྐར་མ་55ཐོག་འབར་མ་རྒྱལ་ཁོངས་ཀྱི་ནུབ་བྱང་རྒྱུད་(འཕྲེད་ཐིག་བྱང་མ་ཏུའུ་23.14དང་གཞུང་ཐིག་ཤར་མ་ཏུའུ་94.87གྱི་མཚམས་སུ)དུ་ས་ཡོམ་རིམ་པ་7.2བྱུང་ཞིང་། ས་ཡོམ་འདིའི་ཡོམ་རླབས་ཀྱིས་ཤུགས་རྐྱེན་ཐེབས་པའི་དབང་གིས། བོད་ལྗོངས་ཀྱི་ཉིང་ཁྲི་གྲོང་ཁྱེར་དང་། གཞིས་ཀ་རྩེ་གྲོང་ཁྱེར་། ལྷ་ས་གྲོང་ཁྱེར། ལྷོ་ཁ་ས་ཁུལ་སོགས་སུ་ཡོམ་ཚོར་ཆེན་པོ་བྱུང་བ་དང་། ས་གནས་དེ་དག་གི་འབྲེལ་ཡོད་སྡེ་ཁག་གིས་གནོད་འཚེའི་གནས་ཚུལ་དཔྱད་ཞིབ་བྱེད་བཞིན་ཡོད་པ་རེད།