༄༅།།བོད་ལྗོངས་ཕོ་བྲང་པོ་ཏ་ལའི་ནང་གི་གནས་སྤོས་ཆོག་པའི་རིག་དངོས་ཁྲི་ལྷག་ཙམ་ལ་
ཡོངས་ཁྱབ་ཞིབ་བཤེར་དང་ཡིག་ཚགས་བཟོས་ཚར་བ།

      མི་དམངས་དྲ་བའི་འཕྲིན། བོད་ལྗོངས་ཕོ་བྲང་པོ་ཏ་ལར་ཉར་ཚགས་བྱས་པའི་རིག་དངོས་ཕུན་སུམ་ཚོགས་པ་ཡིན་ལ། དེའི་ནང་གནའ་གཞུང་ཚད་ལྡན་ཡིག་ཆ་རིགས་སྣ་མང་པོ་འདུས་ཡོད་ཅིང་། ཁྱོན་བསྡོམས་ཧ་ལམ་རིག་དངོས་ཁྲི་10ལྷག་ཟིན་པ་རེད། 2013ལོའི་ལོ་མཇུག་ལ་ཀྲུང་དབྱང་སྲིད་གཞུང་གིས་གནས་སྤོས་ཆོག་པའི་རིག་དངོས་ཡོད་དོ་ཅོག་ལ་ཡོངས་ཁྱབ་ཞིབ་བཤེར་དང་། ཐོ་འགོད། ཡིག་ཚགས་བཟོ་བ་བཅས་བྱ་དགོས་པའི་བླང་བྱར་གཞིགས་ནས། བོད་ལྗོངས་ཀྱིས་ལས་དོན་འདི་ཉིད་སྒྲུབ་འགོ་བརྩམས་ཏེ་བོད་ལྗོངས་ཡོངས་ཀྱི་གནས་སྤོས་ཆོག་པའི་རིག་དངོས་ཀྱི་གནས་ཚུལ་ཞིབ་ཕྲ་གསལ་པོར་རྟོགས་པར་བྱས་པ་རེད།
     མིག་སྔར་ཕོ་བྲང་པོ་ཏ་ལར་གནས་སྤོས་ཆོག་པའི་རིག་དངོས་17000ལྷག་ལ་ཐོ་འགོད་ཡིག་ཚགས་བཟོ་བའི་ལས་དོན་ལེགས་པར་བསྒྲུབས་པ་རེད། ཆེད་ལས་ཀྱི་ལག་རྩལ་མི་སྣ་དཀོན་པའི་དབང་གིས། ལས་དོན་འདི་ཉིད་སྒྲུབ་ཚད་ཅུང་དལ་བས། འདི་ལོར་ཕོ་བྲང་པོ་ཏ་ལའི་ནང་གི་རིག་དངོས་ཁྲི་2ལྷག་ལ་ཡོངས་ཁྱབ་ཞིབ་བཤེར་དང་ཡིག་ཚགས་བཟོ་བའི་ལས་དོན་སྒྲུབ་པར་བརྩོན་ལེན་བྱ་རྒྱུ་རེད། བོད་ལྗོངས་ཕོ་བྲང་པོ་ཏ་ལ་ནི་ད་ལྟའི་བར་ལོ་ངོ་1300ལྷག་གི་ལོ་རྒྱུས་ལྡན་ལ། དེ་ནི་ཀྲུང་གོའི་རྒྱལ་ཡོངས་ཀྱི་རིག་དངོས་རྩ་ཆེན་སྲུང་སྐྱོང་བྱ་ཡུལ་ཁག་དང་པོ་རེད།