༄༅།།ཀྲུང་གོའི་བོད་ཡིག་གི་རིག་གཞུང་དུས་དེབ་དྲ་བ་དངོས་སུ་ཤར་གཏོང་བྱས་པ།

གསར་འགྱུར་སྤེལ་དུས། 　【2015ལོའི་ཟླ་ 12ཚེས་07ཉིན། 15:09】（རྩོམ་སྒྲིག་འགན་འཁུར་པ། སྙིང་ལྕགས།）

མི་དམངས་དྲ་བའི་འཕྲིན། ཀྲུང་གོའི་བོད་ཡིག་རིག་གཞུང་དུས་དེབ་དྲ་བ་ཤར་གཏོང་བྱེད་པ་ཁྱབ་བསྒྲགས་ཚོགས་འདུ་ཉེ་སྔོན་པེ་ཅིང་དུ་འཚོགས་ཤིང་། ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱི་སྤྱི་ཁྱབ་ལས་འཛིན་པ་གཞོན་པ་དགྲ་འདུལ་གྱིས་གསུང་བཤད་གནང་བ་མ་ཟད། དུས་དེབ་དྲ་བ་ཤར་གཏོང་བྱེད་འགོ་སློང་མཐེབ་མནན་པ་རེད།
ཀྲུང་གོའི་བོད་ཡིག་རིག་གཞུང་དུས་དེབ་དྲ་བ་ནི་བོད་ཡིག་གི་རིག་གཞུང་དུས་དེབ་ལྟེ་བའི་ཐོན་ཁུངས་བྱས་པའི་སྤྱི་ཕན་རང་བཞིན་གྱི་གྲངས་ཀ་ཅན་གྱི་དྲ་རྒྱའི་ཐོན་ཁུངས་ཞབས་ཞུའི་སྟེགས་བུ་ཞིག་ཡིན་ལ། འདི་ནི་ཀྲུང་གོའི་བོད་རིག་པ་ཞིབ་འཇུག་ལྟེ་གནས་ཀྱིས་གཙོ་གཉེར་བྱེད་པ་དང་། ཀྲུང་གོའི་བོད་རིག་པ་དུས་དེབ་ཁང་དང་ཀྲུང་གོའི་བོད་རིག་པ་དྲ་བ་གཉིས་ཀྱིས་རྒྱལ་ཡོངས་བོད་ཡིག་དུས་དེབ་ཁག་དང་མཉམ་འབྲེལ་བྱས་ནས་ཐུན་མོང་དུ་གསར་དུ་འཛུགས་གཉེར་བྱས་པ་ཞིག་རེད། མིག་སྔར་ཀྲུང་གོའི་བོད་ཡིག་དུས་དེབ་དྲ་བར་ཐོན་ཁུངས་འཚོལ་ཞིབ་དང་། དཔེ་ཀློག འབེབས་ལེན། བསྡོམས་རྩིས་སོགས་བྱེད་པའི་ནུས་པ་མང་པོ་ལྡན་པ་རེད། ད་སྐབས་<<ཀྲུང་གོའི་བོད་རིག་པ་>>དང་། <<བོད་ལྗོངས་ཞིབ་འཇུག>> <<བོད་ལྗོངས་སློབ་ཆེན་གྱི་དུས་དེབ་>>སོགས་དུས་དེབ་རིགས་ལྔ་ཡི་རྩོམ་ཡིག་1000ལྷག་ཙམ་བཀོད་ཡོད་པ་རེད།

༄༅།།ཀྲུང་གོའི་བོད་ཡིག་གི་རིག་གཞུང་དུས་དེབ་དྲ་བ་དངོས་སུ་ཤར་གཏོང་བྱས་པ།

ཕྱོགས་བསྡུས་གསར་འགྱུར།