༄༅།།པཎ་ཆེན་མཆོག་ཐེངས་དང་པོར་མེ་འཁོར་ལ་བཞུགས་ཏེ་བཀྲ་ཤིས་ལྷུན་པོར་ཕེབས་འབྱོར་གནང་བ།

     མི་དམངས་དྲ་བའི་འཕྲིན། ཟླ་12ཚེས་1ཉིན། ལྷ་སར་སྤྱི་ཚོགས་དང་ཆོས་ལུགས་ཀྱི་བྱེད་སྒོ་སྤེལ་མཇུག་བསྒྲིལ་རྗེས་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་ལྷ་ས་ནས་མེ་འཁོར་ལ་བཞུགས་ཏེ་གཞིས་ཀ་རྩེའི་བཀྲ་ཤིས་ལྷུན་པོ་དགོན་དུ་ཕེབས་འབྱོར་གནང་བ་རེད། འདི་ནི་པཎ་ཆེན་ཨེར་ཏེ་ནི་ཆོས་ཀྱི་རྒྱལ་པོ་ལོ་རྒྱུས་སྟེང་ཐེངས་དང་པོར་མེ་འཁོར་ལ་བཞུགས་ཏེ་བཀྲ་ཤིས་ལྷུན་པོར་ལོག་ཕེབས་པ་རེད། ལྷ་ས་ནས་གཞིས་ཀ་རྩེར་བསྐྱོད་པའི་མེ་འཁོར་ནི་2014ལོའི་ཟླ་8ཚེས་15ཉིན་ཤར་གཏོང་བྱེད་འགོ་བརྩམས་པ་ཡིན་ལ། མིག་སྔར་བར་དུ་ཡུལ་སྐོར་བ་མི་ཐེངས་ཁྲི་80ལྷག་ཙམ་སྐྱེལ་འདྲེན་བྱས་པ་རེད།