༄༅།།སྡེ་རོང་རྫོང་གི་སློབ་གྲྭར་རྒྱུན་སྡོད་ཀྱི་སློབ་མ་ཚོའི་ཉིན་རེའི་ཟས་ཐུན་གསུམ་ལ་རིན་མི་
དགོས་པའི་བཅུད་ལྡན་ཟ་མ་ཡོད་པ།

     ཟླ་11ཚེས་30ཉིན། སི་ཁྲོན་ཞིང་ཆེན་དཀར་མཛེས་བོད་རིགས་རང་སྐྱོང་ཁུལ་སྡེ་རོང་རྫོང་གི་གསལ་གྲགས་ཤང་ལྟེ་བའི་སློབ་གྲྭའི་ཟ་ཁང་དུ་སློབ་མ་ཚོས་བཅུད་ལྡན་ཟ་མ་ཟ་བཞིན་ཡོད། གསར་འགོད་པས་སྡེ་རོང་རྫོང་གི་སློབ་གསོ་ཅུས་ནས་ཤེས་རྟོགས་བྱུང་བ་ལྟར་ན། རྫོང་འདིའི་སློབ་གྲྭ་འབྲིང་ཆུང་14ཡི་སློབ་གྲྭར་རྒྱུན་སྡོད་སློབ་མ་2700ཡིས་རང་ཁྱིམ་ནས་དངུལ་སྐར་མ་གང་ཡང་སྟེར་མི་དགོས་པར་ཉིན་རེའི་ཟས་ཐུན་གསུམ་ལ་དྲོ་བ་ཞིམ་པའི་བཅུད་ལྡན་ཟ་མ་བཟའ་རྒྱུ་ཡོད་པ་རེད།