༄༅།།གནད་སྨིན་དབུལ་སྐྱོར་དང་གནད་སྨིན་དབུལ་སྒྲོལ་བྱས་ཏེ་དབུལ་སྒྲོལ་འགག་སྒྲོལ་གྱི་དམག་
འཐབ་ལ་རྒྱལ་ཁ་མཐའ་གཅིག་ཏུ་ཐོབ་པར་བྱེད་པ།

     མི་དམངས་དྲ་བའི་འཕྲིན། ཚོགས་ཆེན་བཅུ་དགུ་པའི་སྙན་ཞུའི་ནང་དུ་ཏང་ཡོངས་དང་རྒྱལ་ཡོངས་སྤྱི་ཚོགས་ཡོངས་བཅས་ཀྱི་སྟོབས་ཤུགས་ཡོད་ཚད་སྐུལ་སློང་བྱས་ནས་གནད་སྨིན་དབུལ་སྐྱོར་དང་གནད་སྨིན་དབུལ་སྒྲོལ་མཐའ་འཁྱོངས་བྱེད་དགོས་ཞེས་བཏོན་ཡོད་པ་རེད། ཉེ་བའི་ལོ་ཤས་རིང་རྒྱལ་ཡོངས་སུ་དབུལ་ཕོངས་ས་ཁུལ་གཅིག་འདུས་ཡུག་འབྲེལ་ཆེ་ཤོས་ཡིན་པའི་བོད་རང་སྐྱོང་ལྗོངས་ཀྱིས་ཐོན་ལས་དབུལ་སྐྱོར་དང་། ས་གནས་གཞན་དུ་གནས་སྤོའི་དབུལ་སྐྱོར། གནས་སྤོའི་ལས་ཞུགས་གསོ་སྐྱོང་སྦྱོང་བརྡར། "རྣམ་གྲངས་བཅུ་མཐོར་འདེགས"གཏོང་བའི་ལས་གཞི་སོགས་ལག་བསྟར་ཤུགས་ཆེན་བྱས་ཏེ་ད་ལྟའི་ཚད་གཞིའི་འོག་གི་དབུལ་ཕོངས་མི་འབོར་ཚང་མ་དབུལ་ཕོངས་ལས་སྒྲོལ་བ་དང་། དབུལ་ཕོངས་རྫོང་ཚང་མ་དུས་བཀག་ལྟར་དབུལ་ཞྭ་ཕུད་པའི་འགན་ལེན་ཏན་ཏིག་བྱེད་ཀྱི་ཡོད་པ་རེད།