༄༅།།བོད་ལྗོངས་ཉིང་ཁྲི་རུ་དམངས་ཡོངས་ཀྱིས་ནགས་ཚལ་སྲུང་སྐྱོང་གི་རྣམ་པ་བསྐྲུན་པ།

     མི་དམངས་དྲ་བའི་འཕྲིན།ཉེ་བའི་ལོ་འགའི་རིང་དུ། བོད་ལྗོངས་ཉིང་ཁྲི་གྲོང་ཁྱེར་གྱིས་སྐྱེ་ཁམས་ལས་གནས་འཛུགས་སྐྱོང་བྱེད་ཤུགས་ཇེ་ཆེར་བཏང་བ་དང་། ནགས་སྲུང་པའི་རུ་ཁག་གཞི་རྒྱ་ཇེ་ཆེར་བཏང་ནས་ངལ་རྩོལ་ནུས་ཤུགས་ཡོད་པའི་དབུལ་ཕོངས་མང་ཚོགས་དེའི་ནང་དུ་ཞུགས་པར་བསྡུ་ལེན་བྱས་ཏེ་དམངས་ཡོངས་ཀྱིས་ནགས་ཚལ་སྲུང་སྐྱོང་གི་རྣམ་པ་བསྐྲུན་པ་རེད། ཤེས་རྟོགས་བྱུང་བར་གཞིགས་ན། མིག་སྔར་ཉིང་ཁྲི་གྲོང་ཁྱེར་ཡོངས་སུ་ཆེད་ལས་ནགས་ཚལ་སྲུང་སྐྱོང་པ་421དང་། ཞོར་དུ་འགན་ཁུར་བ་དང་དུས་ཚིགས་རང་བཞིན་གྱི་ནགས་སྲུང་པ་45000ལྷག་ཡོད་ཅིང་། གཞན་ཡང་ད་དུང་ཤང་དང་གྲོང་ཚོ་རིམ་པའི་གནས་ཚལ་མེ་སྐྱོན་སྔོན་འགོག་རུ་ཁག་325བཙུགས་ཡོད་པ་རེད།