༄༅།།རང་རྒྱལ་གྱིས་མཚོ་ཁོངས་ནས་འབར་ཐུབ་པའི་འཁྱགས་པ་ཚོད་ལེན་ཐེངས་ཐོག་མ་བྱས་
མཇུག་བསྒྲིལ་པ་མ་ཟད་ཁྲོན་པའི་ཁ་བརྒྱབ་པ།

     མི་དམངས་དྲ་བའི་འཕྲིན། ཟླ་7ཚེས་9ཉིན། ཀྲུང་གོའི་ས་གཤིས་བརྟག་དཔྱད་ཅུས་ཀོང་ཀྲོའུ་རྒྱ་མཚོ་ས་གཤིས་བརྟག་དཔྱད་ཅུས་ནས་ཤེས་རྟོགས་བྱུང་གསལ། རྒྱལ་ཁོངས་ཐོན་ཁུངས་པུའུ་ཀྲུང་གོ་ས་གཤིས་བརྟག་དཔྱད་ཅུས་ཀྱིས་སྒྲིག་འཛུགས་བྱས་ནས་ལག་བསྟར་བྱས་པའི་ལྷོ་མཚོའི་རང་བྱུང་སོལ་རླངས་ཆུ་འདྲེས་དངོས་རྫས་(འབར་ཐུབ་ པའི་འཁྱགས་པ་)ཚོད་ལེན་ལས་གྲྭ་རུ་ཚོད་ལེན་བསྟུད་མར་ཉིན་60བྱས་ཤིང་། སྔ་ཕྱི་སྡེབ་རྩིས་བྱས་ན་རླངས་ཐོན་ཚད་སྨི་རྒྱ་དཔངས་གྲུ་བཞི་ཁྲི་30ལས་བརྒལ་བ་དང་། རྒྱུན་མཐུད་དུ་རླངས་ཐོན་པའི་དུས་ཚོད་རིང་ཤོས་དང་། རླངས་ཐོན་ཚད་མང་ཤོས། རླངས་རྒྱུན་བརྟན་པོ། ཁོར་ཡུག་བདེ་འཇགས་ལ་སོགས་པའི་ཚད་བརྒལ་རང་བཞིན་ལྡན་པའི་གྲུབ་འབྲས་སྣ་མང་ཐོབ་ཡོད་ལ། རླངས་ཐོན་པའི་དུས་ཡུན་དང་ཐོན་ཚད་བསྡོམས་འབོར་ཡང་འཛམ་གླིང་གི་ཟིན་ཐོ་གསར་གཏོད་བྱས་པ་རེད་། ཐེངས་འདིའི་ལྷོ་མཚོའི་རང་བྱུང་སོལ་རླངས་ཆུ་འདྲེས་དངོས་རྫས་ཚོད་ལེན་ལས་གྲྭ་ཚེས་9ཉིན་ཕྱོགས་ཡོངས་ནས་སྔོན་དཔག་གི་དམིགས་ཡུལ་ལེགས་འགྲུབ་བྱས་ཡོད་པ་རེད་།