༄༅།།དམངས་ཁྲོད་དང་སྲིད་གཞུང་གིས་ནུས་ཤུགས་མཉམ་འདོན་གྱིས་མཚོ་སྔོན་པོའི་གསེར་
ཉ་སྐྱོབ་པ།

     མི་དམངས་དྲ་བའི་འཕྲིན། ལོ་ངོ་40ཡི་གོང་དུ་མཚོ་སྔོན་པོའི་འགྲམ་ངོགས་ཀྱི་ཉ་པ་ལི་དབྱི་ཧྥན་གྱིས་ཉིན་ལྟར་རེ་བཞིན་གསེར་ཉ་བརྒྱ་ལྷག་འཛིན་གྱི་ཡོད་པ་རེད། ད་ཆ། དགུང་ལོ་50ལས་བརྒལ་བའི་ཁོང་གིས་ལུས་སེམས་གཉིས་ཀ་ཡུལ་དེའི་སྐྱེ་ཁམས་སྲུང་སྐྱོང་ལ་ཞུགས་ནས་གསེར་ཉ་སྲུང་སྐྱོབ་བྱེད་ལམ་དུ་སྐྱོད་བཞིན་ཡོད། གསེར་ཉ་སྲུང་སྐྱོབ་ལ་སྐུལ་འདེད་གཏོང་བའི་གཙོ་ཁྲིད་སྟོབས་ཤུགས་ཀྱང་གྱུར་ཡོད་པ་དང་། ས་གནས་དེ་གའི་སྲིད་གཞུང་གིས་ཉེ་བའི་ལོ་ཤས་རིང་ནུས་པ་གལ་ཆེན་འདོན་སྤེལ་བྱེད་བཞིན་ཡོད་པ་རེད། 
      བསྡོམས་རྩིས་བྱས་པར་གཞིགས་ན། 2002ལོ་ནས་བཟུང་མཚོ་སྔོན་ཞིང་ཆེན་གྱིས་མཚོ་སྔོན་པོའི་ནང་སྐྱེ་འཕེལ་ཡོང་བའི་གསེར་ཉའི་ཉ་སོན་ཁྱོན་བསྡོམས་དུང་ཕྱུར་1ལྷག་བཏང་ཡོད་པ་དང་། གསོན་ཚད་85%ཟིན་ཞིང་། ལོ་ངོ་15རིང་ལ་འབད་བརྩོན་བྱས་པ་བརྒྱུད། དེའི་ཐོན་ཁུངས་ཚད་བརྟན་པོའི་ངང་2016ལོའི་ཏུན་ཁྲི་7.08ལ་བསྐྱར་གསོ་བྱུང་ཡོད་པ་རེད།