༄༅༎ཨུ་རུ་སུའི་རྒྱལ་སྲུང་པུས"དབྱི་སི་ལམ་རྒྱལ་ཁབ"ཀྱི་འགོ་གཙོ་ཨུ་རུ་སུའི་མཁའ་ཐོག་འཇབ་རྒོལ་
ཁྲོད་ཕལ་ཆེར་ཤི་ཚར་ཡོད་ཅེས་བཤད་པ།

     མི་དམངས་དྲ་བའི་འཕྲིན། ཟླ་6ཚེས་16ཉིན་ཨུ་རུ་སུའི་རྒྱལ་སྲུང་པུས་གནས་ཚུལ་ཁྱབ་བསྒྲགས་བྱས་ཏེ་ཨུ་རུ་སུའི་མཁའ་དམག་གིས་ཟླ་5པའི་ཟླ་མཇུག་ཏུ་སི་རི་ཡའི་ལ་ཁའི་ལྷོ་ངོས་ཀྱི་ཐལ་སྐྱོད་རྩ་འཛུགས"དབྱི་སི་ལམ་རྒྱལ་ཁབ"ཀྱི་བཀོད་འདོམས་པུའུ་ལ་མཁའ་ཐོག་ནས་འཇབ་རྒོལ་བྱས་པ་དང"དབྱི་སི་ལམ་རྒྱལ་ཁབ"ཀྱི་འགོ་གཙོ་པ་ཀེ་ཏ་ཏི་ད་རེས་ཀྱི་མཁའ་ཐོག་འཇབ་རྒོལ་ཁྲོད་ཕལ་ཆེར་ཤི་ཡོད་ཅེས་བཤད་པ་རེད། གོང་གི་པར་དེ་ནི་2014ལོའི་ཟླ་7ཚེས་5ཉིན་གྱི་བརྙན་ལམ་པར་རྒྱག་ལས"དབྱི་སི་ལམ་རྒྱལ་ཁབ"ཀྱི་འགོ་གཙོ་པ་ཀེ་ཏ་ཏི་ཡིན་ཟེར་བའི་སྐྱེས་པ་ཞིག་གིས་དབྱི་རག་གི་དབྱི་སི་ལམ་ཕྱག་ཁང་ཞིག་ནང་གཏམ་བཤད་བྱེད་བཞིན་ཡོད་པ་རེད།