༄༅༎མེ་ཏོག་རྣམ་པར་བཞད་པའི་ལྷ་སས་སྐུ་མགྲོན་གྲོགས་པོ་བསུ་བ།

    མི་དམངས་དྲ་བའི་འཕྲིན། ཟླ་བ་5པ་ཤར་བའི་དུས་སུ་ལྷ་སའི་གནམ་གཤིས་དྲོ་རུ་ཕྱིན་པ་དང་། མེ་ཏོག་སྣ་ཚོགས་རྣམ་པར་བཞད་ཡོད། ལོ་རེའི་ཟླ་བ་5པ་ནས་ཟླ་བ་10པའི་བར་ནི་བོད་ལྗོངས་སུ་ཡུལ་སྐོར་འགྲོ་བའི་རྫོགས་ལྡན་དུས་སྐབས་ཡིན་ཞིང་། བོད་ལྗོངས་སུ་ཡུལ་སྐོར་འགྲོ་བའི་མི་གྲངས་ལོ་རེ་བཞིན་ཇེ་མང་དུ་འགྲོ་བ་ནི་རྒྱུན་ལྡན་གྱི་གནས་ཚུལ་དུ་གྱུར་པ་དང་། ཡུལ་སྐོར་དཔལ་འབྱོར་ཡང་ས་གནས་དེ་གའི་ཞིང་འབྲོག་མང་ཚོགས་ཚོས་ཡོང་འབབ་འཕར་སྣོན་གཏོང་བའི་ཐབས་ལམ་གལ་ཆེན་དུ་གྱུར་པ་རེད། ཤེས་རྟོགས་བྱུང་བར་གཞིགས་ན། བོད་ལྗོངས་ཀྱིས་2016ལོར་ཡུལ་སྐོར་བ་སྣེ་ལེན་བྱས་གྲངས་མི་ཐེངས་ཁྲི་23000ལས་བརྒལ་ཞིང་། དེ་ནི་ལོ་གོང་མ་དང་བསྡུར་ན་15%ལ་ཉེ་བ་འཕར་ཡོད་པ་རེད།