༄༅།།ཐེ་ལན་གྱི་ཀྲུང་གོ་བའི་མི་རྒྱུད་ཀྱི་གཞོན་ནུ་ལོ་ཆུང་གིས་ཀྲུང་གོའི་རིག་གནས་ལ་མྱོང་རོལ་བྱེད་པ།
གསར་འགྱུར་སྤེལ་དུས། 【2017ལོའི་ཟླ་ 05ཚེས་02ཉིན། 11:26】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཟླ་4ཚེས་28ཉིན་2017ལོའི་ཕྱི་རྒྱལ་གྱི་ཀྲུང་གོ་བའི་མི་རྒྱུད་ཀྱི་གཞོན་ནུ་ལོ་ཆུང་གི“ཀྲུང་གོའི་རྩ་བ་འཚོལ་བའི་འགྲུལ་བཞུད”ཅེས་པའི་དཔྱིད་སྒར་གྱི་ཨན་ཧུའེ་སྒར་གྱི་ཐེ་ལན་གྱི་ཀྲུང་གོ་བའི་མི་རྒྱུད་ཀྱི་གཞོན་ནུ་ལོ་ཆུང་40ལྷག་ཧོ་ཧྥེ་གྲོང་ཁྱེར་དཔལ་འབྱོར་གསར་སྤེལ་ཁུལ་ཧྥུའུ་རུང་སྡེ་ཁུལ་དུ་ཡོང་ནས་ཡིག་གཟུགས་འབྲི་བ་དང་རྐེད་རྔ་རྡུང་བ་སོགས་ཀྲུང་གོའི་སྲོལ་རྒྱུན་རིག་གནས་མྱོང་རོལ་བྱས་པ་རེད།
ཚེས་19ཉིན་ཧོ་ཧྥེ་གྲོང་ཁྱེར་དུ་ད་རེས་ཀྱི་2017ལོའི་ཕྱི་རྒྱལ་དུ་ཡོད་པའི་ཀྲུང་གོ་བའི་མི་རྒྱུད་ཀྱི་གཞོན་ནུ་ལོ་ཆུང“ཀྲུང་གོར་རྩ་བ་འཚོལ་བའི་འགྲུལ་བཞུད”ཅེས་པའི་དཔྱིད་སྒར་གྱི་ཨན་ཧུའེ་སྒར་འགོ་ཚུགས་པ་དང་། ཐེ་ལན་ཆིང་མའེ་ཙུང་ཧྭ་སློབ་ཕྲུག་གསར་པའི་ཧྭ་ལི་སློབ་གྲྭའི་ཀྲུང་གོ་བའི་མི་རྒྱུད་ཀྱི་གཞོན་ནུ་ལོ་ཆུང་40ལྷག་གིས་ཨན་ཧུའེ་ཡི་ས་ཆ་གང་སར་ཉིན་13རིང་གི་རིག་གནས་མྱོང་རོལ་གྱི་འགྲུལ་བཞུད་བྱས་ཤིང་།