༄༅།།བསམ་ཡས་དགོན་དབུ་རྩེ་ལྷ་ཁང་གི་ཉམས་གསོ་ལས་གྲྭ་མཇུག་འགྲིལ་ཉེར་ཡོད་པ། 

       མི་དམངས་དྲ་བའི་འཕྲིན། 2016ལོའི་ཟླ་བཞི་པ་ནས་བཟུང་བོད་རང་སྐྱོང་ལྗོངས་ལྷོ་ཁ་གྲོང་ཁྱེར་གྲ་ནང་རྫོང་དུ་ཡོད་པའི་བསམ་ཡས་དགོན་གྱི་དབུ་རྩེ་ལྷ་ཁང་གི་ཐོག་ཁ་དང་། ས་ངོས། ཀ་གདུང་སོགས་ཉམས་གསོ་བྱེད་འགོ་ཚུགས་ཡོད། མིག་སྔར་ལས་གྲྭ་ལས་མཇུག་འགྲིལ་ཉེར་ཡོད་ཅིང་། སྔོན་དཔག་བྱས་ན་འདི་ལོའི་ལོ་སྟོད་དུ་ལེགས་གྲུབ་ཡོང་རྒྱུ་རེད།
      ལོ་ངོ་1200ལྷག་ཙམ་གྱི་ལོ་རྒྱུས་ལྡན་པའི་བསམ་ཡས་དགོན་ནི་བོད་བརྒྱུད་ནང་བསྟན་ལོ་རྒྱུས་ཐོག་གི་དཀོན་མཆོག་གསུམ་ཚང་བའི་དགོན་པ་ཡིན་པ་དང་རྒྱ་ཁྱོན་སྨི་ངོས་གྲུ་ཁྲི་2.5ཙམ་ཡོད། བསམ་ཡས་དགོན་ནི་རྒྱལ་ཁབ་ཀྱི་གཙོ་གནད་རིག་གནས་སྲུང་སྐྱོང་ཚན་པ་ཞིག་དང་། བོད་ཀྱི་གལ་འགངས་ཤིན་ཏུ་ཆེ་བའི་ཆོས་ལུགས་བྱེད་སྒོ་སྤེལ་སའི་གནས་མཆོག་དང་ཡུལ་སྐོར་མཛེས་ལྗོངས་ཁུལ་གྱི་གྲས་ཤིག་ཀྱང་རེད།