༄༅།།སུང་ཧྲན་པ་ལིའི་ཞབས་བྲོ་ཚོགས་པས་ཀྲུང་གོར་འཚམས་འདྲིའི་འཁྲབ་སྟོན་ཐེངས་བཅོ་ལྔ་
པ་བྱ་རྒྱུ་ཡིན་པ།

      མི་དམངས་དྲ་བའི་འཕྲིན། འདི་ལོ་ནི་ཀྲུང་རི་རྒྱལ་ཁབ་གཉིས་ཀྱི་འབྲེལ་བ་རྒྱུན་གཏན་ཅན་དུ་གྱུར་ནས་ལོ་45སོང་བའི་ལོ་ཞིག་ཡིན། ཀྲུང་རི་རྒྱལ་ཁབ་གཉིས་ཀྱི་དམངས་ཁྲོད་རིག་གནས་སྤེལ་རེས་སྲོལ་རྒྱུན་རྒྱུན་འཛིན་དང་དར་སྤེལ་བཏང་ནས་ཀྲུང་རི་རྒྱལ་ཁབ་གཉིས་ཀྱི་སྒྱུ་རྩལ་མཁས་ཅན་གྱི་སྤེལ་རེས་ལས་སྟེགས་གསར་པ་སྐྲུན་ཆེད། ཀྲུང་གོ་རྒྱལ་སྤྱིའི་རིག་གནས་སྤེལ་རེས་ལྟེ་གནས་ཀྱི་གདན་ཞུས་ལྟར་རི་པིན་སུང་ཧྲན་པ་ལིའི་ཞབས་བྲོ་ཚོགས་པས་འདི་ལོའི་ཟླ་5ཚེས་16ནས་ཚེས་24ཉིན་བར་ཀྲུང་གོར་གསར་རྩོམ་བྱས་པའི་པ་ལིའི་ཞབས་བྲོའི་ཟློས་གར་ཆེ་གྲས་《སྐྲ་དཀར་ལྷ་མོ་》ཞེས་པ་འཁྲབ་སྟོན་བྱས་ནས་ཀྲུང་གོར་འཚམས་འདྲིའི་འཁྲབ་སྟོན་ཐེངས་བཅོ་ལྔ་པའི་འགྲུལ་བཞུད་འགོ་ཚུགས་རྒྱུ་ཡིན་པ་རེད།