༄༅།།སྐུ་འབུམ་བྱམས་པ་གླིང་གི་མེ་ཏོག་མཆོད་པ།

     མི་དམངས་དྲ་བའི་འཕྲིན། ཟླ་2ཚེས་11ཉིན། མཚོ་སྔོན་ཞིང་ཆེན་ཟི་ལིང་གྲོང་ཁྱེར་ཧོང་ཀྲུང་རྫོང་（སྐུ་འབུམ་རྫོང་）དུ་གནས་པའི་བོད་བརྒྱུད་ནང་བསྟན་གྱི་དགོན་པ་གྲགས་ཅན་སྐུ་འབུམ་བྱམས་པ་གླིང་དུ་མེ་ཏོག་མཆོད་པ་བཤམས། མེ་ཏོག་མཆོད་པ་ནི་སྐུ་འབུམ་དགོན་གྱི་སྒྱུ་རྩལ་བླ་མེད་གཅིག་རེད། དེ་ནི་དགོན་པའི་དགེ་འདུན་པ་ཚོས་རྒྱུ་ཆ་མར་ལ་བརྟེན་ནས་སྐུ་བརྙན་དང་མི་སྣ། རི་དྭགས། དུད་འགྲོ།  རྩྭ་རྩི་ཤིང་དང་མེ་ཏོག་སོགས་ནང་དོན་གཙོ་བོར་བྱས་ཏེ་ཇི་མ་ཇི་བཞིན་དུ་བཞེངས་ཤིང་། ཚོན་སྣ་ཕུན་སུམ་ཚོགས་ལ། སྒྱུ་རྩལ་གྱི་ཆུ་ཚད་ཧ་ཅང་མཐོ་ཞིང་མཛེས་ཉམས་ཁྱད་དུ་འཕགས་པ་ཞིག་ཡོད་ཅིང་། མེ་ཏོག་མཆོད་པ་ནི་2006ལོར་རྒྱལ་ཁབ་རིམ་པའི་མངོན་མིན་ཤུལ་བཞག་རིག་གནས་ཀྱི་མིང་ཐོ་རུ་ཐོག་མར་བཀོད་པ་རེད། 【1】  【2】  【3】  【4】