༄༅།།འཛམ་གླིང་རིག་གནས་ཤུལ་བཞག་ཕོ་བྲང་པོ་ཏ་ལ་རྒྱང་མཇལ།

    མི་དམངས་དྲ་བའི་འཕྲིན། ཕོ་བྲང་པོ་ཏ་ལ་ནི་ལྷ་ས་གྲོང་ཁྱེར་དམར་པོ་རིའི་ཐོག་ཏུ་བཞེངས་ཡོད་པ་དང་། དེ་ནི་སྤྱི་ལོའི་དུས་རབས་7པར་བཞེངས་ཤིང་། བོད་ལྗོངས་ཀྱི་གནའ་བོའི་བཟོ་སྐྲུན་གཞི་རྒྱ་ཆེ་ཞིང་ཆ་ཚང་ཤོས་ཤིག་ཡིན་པ་སྟེ། ལོ་རྒྱུས་དང་རིག་གནས་གྱ་ནོམ་པ་ཞིག་ཉར་ཚགས་བྱས་ཡོད་པ་རེད། 1994ལོར་ཕོ་བྲང་པོ་ཏ་ལ་ནི་《འཛམ་གླིང་རིག་གནས་ཤུལ་བཞག་》གི་མིང་ཐོའི་ནང་བཀོད་པ་དང་། 2015ལོར་བོད་ལྗོངས་ཀྱིས་《བོད་རང་སྐྱོང་ལྗོངས་ཕོ་བྲང་པོ་ཏ་ལའི་རིག་གནས་ཤུལ་བཞག་སྲུང་སྐྱོང་དོ་དམ་སྲོལ་ཡིག་》ཁྱབ་བསྒྲགས་བྱས་ཡོད་པ་རེད།