༄༅།།གཙང་གསུམ་ཆུ་འགོའི་རྒྱུད་ཀྱི་མཛེས་སྡུག་ཡིད་དུ་འོང་བའི་སྣོད་བཅུད་ཀྱི་ཉམས་འགྱུར།

     མི་དམངས་དྲ་བའི་འཕྲིན། མཚོ་སྔོན་ཞིང་ཆེན་གྱི་ལྷོ་རྒྱུད་དུ་གནས་པའི་གཙང་གསུམ་ཆུ་འགོའི་ས་ཁུལ་ནི་འབྲི་ཆུ་དང་། རྨ་ཆུ། རྫ་ཆུ་བཅས་ཀྱི་འབྱུང་ཁུངས་རེད་ལ། ཨེ་ཤེ་ཡའི་ཆུ་ཁུངས་གསོ་འཁྱོངས་ཁུལ་དང་སྣོད་བཅུད་སྲུང་ཡོལ་གལ་ཆེན་ཞིག་ཀྱང་རེད། ཁུལ་དེར་གསའ་དང་གཙོད་སོགས་རྩ་ཆེའི་རི་དྭགས་མང་པོ་འཚོ་གནས་བྱེད་ཀྱི་ཡོད། 2005ལོར་གཙང་གསུམ་ཆུ་འགོའི་ས་ཁུལ་དུ་རྒྱལ་ཁབ་རིམ་པའི་རང་བྱུང་སྲུང་སྐྱོང་ཁུལ་དངོས་སུ་བཙུགས་ཏེ་འཕྲལ་སྡོམ་རང་བཞིན་གྱི་སྲུང་སྐྱོང་བྱས་ནས་ས་ཁུལ་དེའི་སྣོད་བཅུད་ཞན་དུ་མི་འགྲོ་བའི་བྱ་ཐབས་སྤྱད་པ་རེད། 2016ལོའི་ཟླ་4པར་གཙང་གསུམ་ཆུ་འགོའི་རྒྱལ་ཁབ་སྤྱི་གླིང་གི་སྒྲིག་གཞིའི་ཚོད་ལྟ་བྱ་ཡུལ་སྲུང་སྐྱོང་ཁུལ་བཙུགས་པ་དང་གླིང་དེར་རྒྱ་ཁྱོན་སྤྱི་ལེ་ངོས་གྲུ་ཁྲི་12.31ཟིན་ཞིང་། ཚན་རིག་དང་མཐུན་པ་དང་ཀུན་ལ་ཕན་ཐོགས་པའི་སྣོད་བཅུད་སྲུང་སྐྱོང་བྱེད་སྟངས་ཤིག་གསར་གཏོད་བྱ་རྒྱུ་ནི་འཛུགས་སྐྲུན་གྱི་མཐར་ཐུག་དམིགས་ཡུལ་རེད། འདི་ནི་ཡུལ་ཤུལ་བོད་རིགས་རང་སྐྱོང་ཀྲོའུ་ཆུ་དམར་ལེབ་རྫོང་ཁོངས་ཀྱི་ཇོ་བོ་སྒྱོགས་ཆེན་ལྡོང་ར་ནས་དགེ་འདུན་པ་འགའ་ཤས་ཀྱིས་རླུང་རྟ་མཁའ་ལ་གཏོར་བཞིན་པ།