༄༅།།གངས་འཁྱག་ལ་མ་འཛེམས་པར་མཐའ་མཚམས་ཀྱི་བདེ་འཇགས་སྲུང་བ།
གསར་འགྱུར་སྤེལ་དུས། 【2017ལོའི་ཟླ་ 02ཚེས་15ཉིན། 13:35】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཉིན་ཤས་བསྟུད་མར་བོད་ལྗོངས་མངའ་རིས་ཀྱི་ས་ཆ་མང་ཆེ་བར་གངས་ཆེན་པོ་བབས་ནས་དྲོད་ཚད་ཀླད་ཀོར་འོག་གི་ཧྲེ་ཧྲི་ཏུའུ་30ལྷག་ཙམ་བར་ཆག་ཡོད། ཉེ་ཆར་ཧི་མ་ལ་ཡའི་དབུས་རྒྱུད་དུ་གནས་པའི་མངའ་རིས་དམག་ཁུལ་ཡན་ལག་ཁང་བཀྲ་ཤིས་སྒང་མཐའ་སྲུང་བརྒྱ་ཤོག་གིས་མཐོ་ཚད་སྨི་5590ལྷག་ཙམ་ཡོད་པའི་རོང་ལུང་ལའི་མཐའ་མཚམས་དོ་དམ་ཚོད་འཛིན་ལ་ཤུགས་སྣོན་བརྒྱབ་ནས་དྲག་ཆས་སྐོར་གཡེང་བྱས་ཏེ་མཐའ་མཚམས་བདེ་འཇགས་བརྟན་ལྷིང་ཡོང་བ་བྱས་པ་རེད།