༄༅།།ནན་ཁྲང་གྲོང་ཁྱེར་ཁོངས་ཧའེ་ཧུན་ཧོའུ་ཡི་དུར་ས་ནས་གསེར་བག་ལེབ་དབྱིབས་ཅན་285རྙེད་པ།

     མི་དམངས་དྲ་བའི་འཕྲིན། ཟླ་12ཚེས་24ཉིན་ཅང་ཞི་ཞིང་ཆེན་ནན་ཁྲང་གྲོང་ཁྱེར་ཁོངས་ཧན་རྒྱལ་རབས་ནུབ་མའི་ཧའེ་ཧུན་ཧོའུ་ཡི་དུར་སའི་པུར་སྒམ་གཙོ་བོར་གཙང་བཤེར་བྱ་ཡུལ་དངོས་སུ་གནའ་རྫས་རྟོག་ཞིབ་མི་སྣས་པུར་སྒམ་གཙོ་བོའི་ཕྱི་ནང་གི་བར་དུ་གསེར་བག་ལེབ་དབྱིབས་ཅན་96དང་། གསེར་རྟ་རྨུག་ཅན་དང་བསེ་རུའི་སོར་མོ་ཅན་འགའ་ཤས་རྙེད་ཅིང་། མིག་སྔར་བར་གསེར་བག་ལེབ་དབྱིབས་ཅན་བསྡོམས་གྲངས་285ཟིན་པ་རེད། རྟོག་ཞིབ་མི་སྣས་ཐེངས་འདིའི་འཚོལ་རྙེད་བྱུང་བའི་གསེར་བག་ལེབ་དབྱིབས་ཅན་གྱི་གྲངས་འབོར་འདི་ནི་ཧན་རྒྱལ་རབས་ཀྱི་དུར་སར་གནའ་རྫས་དཔྱད་ཞིབ་བྱས་པའི་ཁྲོད་ཐོན་པའི་མང་ཤོས་ཡིན་པས། དུར་བདག་འདིའི་གོ་ས་མཆོག་གྱུར་ཡིན་པ་བསྐྱར་དུ་མཚོན་ཡོད་ཅེས་བསྟན་པ་རེད།