༄༅།།བོད་ལྗོངས་མངའ་རིས་ས་ཁུལ་དུ་ལོ་ངོ་ཁྲི་400ལྷག་ཙམ་གོང་གི་གཅན་གཟན་ཁྱི་མ་ཞིམ་
གྱི་འགྱུར་རྡོ་རྙེད་པ།
གསར་འགྱུར་སྤེལ་དུས། 【2015ལོའི་ཟླ་ 12ཚེས་24ཉིན། 10:25】 （རྩོམ་སྒྲིག་འགན་འཁུར་པ། སྙིང་ལྕགས།）
མི་དམངས་དྲ་བའི་འཕྲིན། ཟླ་12ཚེས་23ཉིན་གསར་འགོད་པས་ཀྲུང་གོའི་ཚན་རིག་གླིང་གི་གནའ་བོའི་སྒལ་ཚིགས་ཅན་གྱི་སྲོག་ཆགས་དང་གནའ་མི་ཞིབ་འཇུག་ཁང་ནས་ཤེས་རྟོགས་བྱུང་བར། བོད་ལྗོངས་མངའ་རིས་ས་ཁུལ་རྩྭ་མདའ་གཞོང་སར་ལོ་ངོ་ཁྲི་400ལྷག་ཙམ་གོང་གི་ཕེ་ལི་ཡེ་ཧྲང་ཞིན་གཅན་གཟན་ཁྱི་མ་ཞིམ་གྱི་འགྱུར་རྡོ་རྙེད་པ་རེད། ལོ་མང་རིང་གི་འགྱུར་རྡོར་ཞིབ་འཇུག་བྱས་པ་བརྒྱུད་ཆེད་ལས་མཁས་པས་ཐེངས་འདིར་གསར་དུ་རྙེད་པའི་འགྱུར་རྡོ་འདི་ནི་རུས་ཆག་ཅན་གྱི་གཅན་གཟན་ཁྱི་མ་ཞིམ་ཆེ་གྲས་ཀྱི་འགྱུར་རྡོ་མཚོ་བོད་མཐོ་སྒང་སྟེང་ཐོག་མ་རྙེད་པ་ཡིན་ཞིང་། དེ་གཅན་གཟན་ཁྱི་མ་ཞིམ་རིགས་ཀྱི་སྲོག་ཆགས་ཀྱི་འབྱུང་རྩ་དང་། སྣ་མང་རང་བཞིན། གནའ་བོའི་ས་ཁམས་འཁོད་ཚུལ་བཅས་ཞིབ་འཇུག་བྱེད་རྒྱུར་དོན་སྙིང་གལ་ཆེན་ལྡན་པ་རེད།
