༄༅།།ཧྭ་ཝུའེ་རིག་ལྡན་ལག་ཐོགས་ཁ་པར་ཡོ་རོབ་བྱང་ཤར་ལ་བྲིན་ཁ་རྒྱུག་པོ་ཡོད་པས་ཡོང་འབབ་
ཆེས་ཆེར་འཕར་བ། 

     མི་དམངས་དྲ་བའི་འཕྲིན། ཧྭ་ཝུའེ་ཡི་ཡོ་རོབ་བྱང་ཤར་འཛད་སྤྱོད་པའི་ལས་སྒོའི་སྤྱི་ཁྱབ་ལས་འཛིན་ཝང་ཡན་མིན་གྱིས་ཉེ་ཆར་ཤིན་ཧྭ་གསར་འགྱུར་ཁང་གི་གསར་འགོད་པའི་བཅར་འདྲི་དང་ལེན་བྱེད་སྐབས། ཁོང་གིས་2015ལོར་རང་ཀུང་སིའི་རིག་ལྡན་ལག་ཐོགས་ཁ་པར་ཡོ་རོབ་དབུས་ཤར་དང་བྱང་མའི་རྒྱུད་ལ་བྲིན་པོ་བྱུང་ནས་ཚོང་ཉི་མ་ཤར་ཤར་བྱུང་བ་དང་། ཚོང་ཟོག་གཏོང་འབོར་ཁྲི་346ལས་བརྒལ་ཏེ་དུས་མཚུངས་ལས་114%མང་དུ་སོང་བ་དང་མཐའ་སྣེའི་ལས་སྒོ་ཧྲིལ་པོའི་བྲིན་ཚོང་ཡོང་འབབ་དུས་མཚུངས་ལས་60%འཕར་བཟོ་ཡོད་པའི་ནང་ལག་ཐོགས་ཁ་པར་བྲིན་ཚོང་ཡོང་འབབ་ཀྱིས་དུས་མཚུངས་ལས་125%ལས་བརྒལ་ཡོད་ཅེས་བཤད།