༄༅།།བོད་ལྗོངས་གར་སྟེགས་སྒྱུ་རྩལ་གྱི་པར་ལེན་བརྩམས་ཆོས་འགྲེམས་སྟོན་བྱས་པ།

     མི་དམངས་དྲ་བའི་འཕྲིན། བོད་རང་སྐྱོང་ལྗོངས་རིག་གནས་ཐིང་གིས་གཙོ་གཉེར་བྱས་པ་དང་། བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་གིས་འགན་སྒྲུབ་བྱེད་པའི“གར་སྟབས་ཀྱི་ཉམས་འགྱུར—བོད་ལྗོངས་གར་སྟེགས་སྒྱུ་རྩལ་གྱི་པར་ལེན་བརྩམས་ཆོས་འགྲེམས་སྟོན”ཟླ་12པའི་ཚེས་18ཉིན་བོད་རང་སྐྱོང་ལྗོངས་མང་ཚོགས་སྒྱུ་རྩལ་ཁང་དུ་འགྲེམས་སྟོན་བྱས་པ་རེད།
     ཐེངས་འདིའི་འགྲེམས་སྟོན་ཚེས་18ནས་22བར་སྤེལ་རྒྱུ་ཡིན་པ་དང་། འགྲེམས་སྟོན་ནང་དུ་བོད་ལྗོངས་གླུ་གར་ཚོགས་པའི་མཛེས་རིས་ཚོགས་པའི་ཚོགས་གཙོ་གཞོན་པ་རིག་གནས་ལགས་ཀྱི་ཕུལ་བྱུང་བརྩམས་ཆོས་ཤ་སྟག་ཡིན་པས་རྒྱ་ཆེའི་ལྟད་མོ་བ་དང་ལས་རིགས་གཅིག་པའི་མི་རྣམས་ཀྱིས་འགྲེམས་སྟོན་ཐོག་གར་སྟེགས་སྒྱུ་རྩལ་གྱི་པར་རིས་རོལ་མྱོང་བྱེད་ཐུབ། ༼ཀྲུང་གོའི་བོད་ཀྱི་གསར་འགྱུར་དྲ་བ་ལས་དྲངས།༽