གསར་འགྱུར་སྤེལ་དུས། 【2015ལོའི་ཟླ་ 11ཚེས་05ཉིན། 16:35】 (རྩོམ་སྒྲིག་འགན་འཁུར་པ། སྙིང་ལྕགས།)
2005ལོའི་ཟླ་11པར་མོ་ཁེར་འཇར་མན་རྒྱལ་ཁབ་ཀྱི་ཙུང་ལིའི་ལས་འགན་གནང་བ་དང་། 2009ལོའི་ཟླ་10པར་ཙུང་ལིའི་ལས་འགན་བསྟུད་འཛིན་གནང་བ་མ་ཟད། 2013ལོའི་ཟླ་12པར་ཙུང་ལིའི་ལས་འགན་ཡང་བསྐྱར་བསྟུད་འཛིན་གནང་བ་རེད། |
2010ལོའི་ཟླ་10པར་ལུའོ་སའེ་ཧྥུའུ་ཡིས་ངལ་རྩོལ་བཟོ་པའི་ཏང་གི་ཙུང་ཐུང་འོས་མིའི་ཐོབ་ཐང་ཐོག་ནས་རྒྱལ་ཁབ་གི་ཙུང་ཐུང་འདེམས་བསྐོ་ནང་ཞུགས་ཏེ་རྒྱལ་ཁ་བླངས་པ་དང་། 2011ལོའི་ཟླ་1པར་ཁོང་གིས་ཙུང་ཐུང་གི་འགན་བཞེས་པ་དང་། འགན་འཛིན་ཡུན་ཚད་ལོ་བཞི་ཡིན་ཞིང་། པར་ཙིར་རྒྱལ་ཁབ་ཀྱི་ལོ་རྒྱུས་ཐོག་གི་བུད་མེད་ཙུང་ཐུང་ཐོག་མར་གྱུར། 2014ལོའི་ཟླ་10པར་ལུའོ་སའེ་ཧྥུའུ་ཡིས་པར་ཙིར་རྒྱལ་ཁབ་ཀྱི་ཙུང་ཐུང་གི་འགན་བསྟུད་བཞེས་གནང་ཞིང་། 2015ལོའི་ཟླ་1པོར་འགན་བཞེས་དམ་བཅའ་བཞག་ནས་འགན་འཛིན་ཡུན་ཚད་གཉིས་པའི་ཙུང་ཐུང་གི་འགན་བཞེས་འགོ་བརྩམས་པ་རེད། |
2012ལོའི་ཟླ་7པར་ཕེའོ་ཅིན་ཧུའེ་ཡིས་ལྷོ་ཁོ་རེ་ཡའི་སྐབས་18པའི་ཙུང་ཐུང་འདེམས་བསྐོ་ནང་ཞུགས་རྒྱུ་ཁྱབ་བསྒྲགས་བྱས་པ་དང་། ལོ་དེའི་ཟླ་8པར་ཕེའོ་ཅིན་ཧུའེ་ལ་འགྲན་ཟླ་ལས་འདེམས་ཤོག་མང་པོ་ཐོབ་པའི་སྒོ་ནས་ཏང་དེའི་ཙུང་ཐུང་འོས་མིའི་ཐོབ་ཐང་ཐོབ་པ་མ་ཟད། ལོ་དེའི་ཟླ་12ཚེས་19ཉིན་སྐབས་18པའི་ཙུང་ཐུང་འདེམས་བསྐོ་བྱེད་སྐབས་རྒྱལ་ཁ་ཐོབ་སྟེ་ལྷོ་ཁོ་རེ་ཡའི་ཙུང་ཐུང་དུ་བདམས་ཐོན་བྱུང་བ་རེད། 2013ལོའི་ཟླ་2པར་འགན་བཞེས་པའི་དམ་བཅའ་བཞག་ནས་ལྷོ་ཁོ་རེ་ཡ་རྒྱལ་ཁབ་ཀྱི་ལོ་རྒྱུས་ཐོག་གི་བུད་མེད་ཙུང་ཐུང་ཐོག་མར་གྱུར་པ་རེད། |
2006ལོར་ཕའོ་ཏི་ཡ•ཞིན་ཕུའུ་སེན་རྨི་ལེ་ཅ་མེ་ཁ་རྒྱལ་ཁབ་ཀྱི་མི་རིགས་ཏང་གི་འགོ་འཛིན་དུ་བདམས་ཐོན་བྱུང་བ་མ་ཟད་རྒྱལ་ཁབ་ཀྱི་ཙུང་ལིའི་འགན་ཡང་བཞེས་པ་རེད། 2007ལོར་ཙུང་ལིའི་འདེམས་བསྐོ་བྱེད་སྐབས་ཕམ་སྟེ་བདམས་ལུས་བྱུང་། 2011ལོའི་ཟླ་12པར་ཁོ་འདེམས་བསྐོ་བྱེད་སྐབས་ཁོང་ལ་རྒྱལ་ཁ་ཐོབ་སྟེ་ཡང་བསྐྱར་ཅ་མེ་ཁ་རྒྱལ་ཁབ་ཀྱི་ཙུང་ལིའི་འགན་བཞེས་པ་རེད། |
2007ལོའི་ཟླ་10པར་སྲིད་འཛིན་མནའ་འབྲེལ་གྱི་ཙུང་ཐུང་འོས་མིའི་ཐོབ་ཐང་ཐོག་ནས་ཙུང་ཐུང་འདེམས་བསྐོ་ནང་ཞུགས་མཁན་ཁེ་ལི་སི་ཏི་ནཱ་འདེམས་ཤོག་འཕེན་ཐེངས་དང་པོར་རྒྱལ་ཁ་ཐོབ་ནས་ཨ་ཀེན་ཐིན་རྒྱལ་ཁབ་ཀྱི་དམངས་འདེམས་བུད་མེད་ཙུང་ཐུང་ཐོག་མར་གྱུར་བ་དང་། 2011ལོའི་ཟླ་10པར་རྒྱལ་ཁའི་ངང་ཙུང་ཐུང་གི་འགན་བསྟུད་བཞེས་ཐུབ་པས། ཨ་ཀེན་ཐིན་རྒྱལ་ཁབ་ཀྱི་ལོ་རྒྱུས་ཐོག་གི་རྒྱལ་ཁའི་ངང་ཙུང་ཐུང་གི་འགན་བསྟུད་བཞེས་ཐུབ་པའི་བུད་མེད་ཙུང་ཐུང་ཐོག་མར་གྱུར་པ་རེད། |
2014ལོའི་ཟླ་9ཚེས་15ཉིན་སྐབས་དེར་ཕོ་ལན་རྒྱལ་ཁབ་ཀྱི་གྲོས་ཁང་འོག་མའི་འགོ་གཙོའི་འགན་བཞེས་པའི་ཨའེ་ཝ•ཁོ་ཕ་ཆི་རྒྱལ་ཁབ་ཀྱི་ཙུང་ལིར་བསྐོ་བཞག་གནང་བ་དང་། ཕོ་ལན་རྒྱལ་ཁབ་ཀྱི་སྲིད་གཞུང་གསར་པ་སྒྲིག་འཛུགས་བྱས་པ་རེད། |
2005ལོའི་ཟླ་11པར་ཡའེ་ཧན་ཞུན་སེ་ལི་ཕུའུ་ཡིས་ལི་པེ་རི་ཡ་རྒྱལ་ཁབ་ཀྱི་ཙུང་ཐུང་འདེམས་བསྐོའི་འདེམས་ཤོག་འཕེན་སྐབས་རྒྱལ་ཁ་ཐོབ་སྟེ་གླིང་ཆེན་ཨ་ཧྥེ་རི་ཁའི་ལོ་རྒྱུས་ཐོག་གི་བུད་མེད་ཙུང་ཐུང་ཐོག་མར་གྱུར་པ་དང་། 2006ལོའི་ཟླ་1པོར་ཁོང་གིས་ཙུང་ཐུང་འགན་དངོས་སུ་བཞེས་པའི་དམ་བཅའ་བཞག་ནས་ཙུང་ཐུང་གི་འགན་བཞེས། 2011ལོའི་ཟླ་11པར་རྒྱལ་ཁའི་ངང་ཙུང་ཐུང་གི་འགན་བསྟུད་བཞེས་ཐུབ་པས། 2012ལོའི་ཟླ་1པོར་འགན་བཞེས་དམ་བཅའ་བཞག་སྟེ་ཙུང་ཐུང་གི་འགན་བཞེས། |