༄༅།།སི་ཁྲོན་དཀར་མཛེས་གཡག་རྔ་ནས་དར་མདོའི་བར་གྱི་མྱུར་བགྲོད་གཞུང་ལམ་འཛུགས་
སྐྲུན་འཕེལ་རིམ་བདེ་བླག་བྱུང་བ།

     མི་དམངས་དྲ་བའི་འཕྲིན། གཡག་རྔ་ནས་དར་མདོའི་མྱུར་བགྲོད་གཞུང་ལམ་ནི་རྒྱལ་ཁབ་ཀྱི་མྱུར་བགྲོད་གཞུང་ལམ་དྲ་བའི་གཡག་རྔ་ནས་ཁེ་ཧྲི་བར་གྱི་ལམ་གཙོ་བོའི་གྲུབ་ཆ་ཞིག་ཡིན། དེའི་རིང་ཚད་ལ་སྤྱི་ལེ་135ལྷག་ཙམ་ཟིན་པ་དང་མྱུར་ཚད་སྤྱི་ལེ་80དང་ཟམ་ཕུག་གི་བསྡུར་ཚད་82%ཡི་ཚད་གཞི་ལྟར་བཟོས་ཡོད། ལམ་རྒྱུད་རི་མཐོ་གཡང་གཟར་བ་དང་གཅོང་རོང་ཟབ་ལ་གཟར་ཚད་ཆེ་བས་ལམ་བཟོ་བར་བདེ་འཇགས། དཔལ་འབྱོར། སྣོད་བཅུད་སོགས་ཀྱི་ལག་རྩལ་གྱི་དཀའ་གནད་མང་པོ་འཕྲད་པའི་འགྲན་སློང་ཞིག་ཡིན། 2019ལོར་གཡག་རྔ་ནས་དར་མདོའི་མྱུར་བགྲོད་གཞུང་ལམ་བཟོས་ནས་རླངས་འཁོར་ཤར་བགྲོད་ཐུབ་རྗེས་སི་ཁྲོན་དཀར་མཛེས་བོད་རིགས་ས་ཁུལ་ལ་མྱུར་བགྲོད་གཞུང་ལམ་མེད་པའི་ལོ་རྒྱུས་མཇུག་འགྲིལ་རྒྱུ་རེད།