༄༅།།ཉག་ཆུ་འདམ་རའི་མཚར་སྡུག་ལྡན་པའི་མཛེས་ལྗོངས།

     མི་དམངས་དྲ་བའི་འཕྲིན། ཉེ་ཆར་སི་ཁྲོན་ཞིང་ཆེན་གྱི་ཉག་ཆུ་གླིང་ཁ་འདམ་རའི་སྤྱི་གླིང་འཛུགས་སྐྲུན་ལེགས་འགྲུབ་བྱས་ཤིང་། དགུང་སྔོན་སྤྲིན་དཀར་དང་གངས་རིས་རྒྱན་པའི་ཉག་ཆུ་གླིང་ཁ་འདམ་རའི་སྤྱི་གླིང་དེ་རྒྱལ་ཁབ་རིམ་པའི་གཞུང་ལམ་317གྱི་མཚར་སྡུག་ལྡན་པའི་མཛེས་ལྗོངས་ཤིག་དུ་གྱུར་ཡོད། 2014ལོ་ནས་བཟུང་སི་ཁྲོན་ཞིང་ཆེན་དཀར་མཛེས་རྫོང་གིས་རང་རེའི་རྫོང་ཁོངས་ཀྱི་རྒྱལ་ཁབ་རིམ་པའི་གཞུང་ལམ་317གྱི་རྫོང་མཁར་ལམ་དུམ་ཉེ་འགྲམ་གྱི་གཞིཁྱོན་ཧ་ལམ་སྤྱི་ལེ་གྲུ་བཞི་མ་8.8གྱི་ཉག་ཆུ་འདམ་རར་བསྐྱར་གསོ་བཅོས་སྐྱོང་དང་སྲུང་སྐྱོང་ལས་གྲྭ་འཛུགས་སྐྲུན་བྱེད་འགོ་བརྩམས་ནས་མི་སྡོད་སའི་ཁོར་ཡུག་དང་། ཞིང་ཁའི་འབག་བཙོག ཆུའི་སྤུས་ཚད། ཆུ་ལམ། འདམ་རའི་མཛེས་ལྗོངས་སོགས་ཀྱི་ལས་གྲྭ་འཛུགས་སྐྲུན་བྱས་ཏེ་ལས་གྲར་མ་དངུལ་ཁྱོན་བསྡོམས་སྒོར་ཁྲི་4000ལྷག་བཏང་བ་རེད།