༄༅།།ཧན་རྒྱལ་རབས་ནུབ་མའི་མངའ་བདག་ཧའེ་ཧུན་ཧོའུ་ཡི་དུར་སའི་གནའ་རྫས་ཞིབ་
དཔྱོད་བྱས་འབྲས་ཁྱབ་བསྒྲགས་བྱས་པ།
གསར་འགྱུར་སྤེལ་དུས། 【2015ལོའི་ཟླ་ 11ཚེས་05ཉིན། 15:12】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཟླ་11ཚེས་4ཉིན་ཅང་ཞི་ཞིང་ཆེན་གཞུང་ཕྱོགས་ཀྱིས་ཐོག་མར་ཕྱི་ཕྱོགས་ལ་ནན་ཁྲང་གི་ཧན་རྒྱལ་རབས་ནུབ་མའི་མངའ་བདག་ཧའེ་ཧུན་ཧོའུ་ཡི་དུར་སའི་གནའ་རྫས་ཞིབ་དཔྱད་བྱས་འབྲས་གལ་ཆེན་ཁྱབ་བསྒྲགས་བྱས་པ་རེད། ལོ་མང་རིང་ལ་དཀའ་སྤྱད་ཀྱིས་སྔོག་འདོན་དང་། ཆེད་མཁས་པ་སྒྲིག་འཛུགས་ཐེངས་མང་བྱས་ནས་ཞིབ་འཇུག་གིས་རིགས་པས་ཁུངས་སྐྱེལ་བྱས་པ་བརྒྱུད། ཆེད་མཁས་པ་ཚོས་མགྲིན་ཅིག་ཏུ་ནན་ཁྲང་གི་ཧན་རྒྱལ་རབས་ནུབ་མའི་མངའ་བདག་ཧའེ་ཧུན་ཧོའུ་ཡི་དུར་སར་གཅིག་ལས་གཉིས་མེད་ཀྱི་རིན་ཐང་ཆེན་པོ་ཡོད་ཅིང་། གནའ་རྫས་སྔོག་འདོན་བྱེད་པར་སྔོན་ཐོན་གྱི་འདུ་ཤེས་དང་ཚན་རིག་དང་མཐུན་པའི་བྱ་ཐབས་ལྡན་ཞིང་གྲུབ་འབྲས་རླབས་ཆེན་བླངས་པས། གསར་རྙེད་གལ་ཆེན་པོ་བྱུང་བ་དང་། རིན་ཐང་ཧ་ཅང་གལ་ཆེན་པོ་ལྡན་པ་རེད།