༄༅།།"ཝ་རྔོན་2015"ཞེས་པའི་ཆེད་སྤེལ་བྱ་སྤྱོད་ནང་མི་627འཛིན་བཟུང་བྱས་པ།

     མི་དམངས་དྲ་བའི་འཕྲིན། ཉེ་སྔོན་གསར་འགོད་པས་སྤྱི་བདེ་པུའུ་ནས་རྒྱུས་ལོན་བྱུང་བ་ལྟར་ན། འདི་ལོའི་ཟླ་བཞི་པ་ནས་བཟུང"ཝ་རྔོན་2015" ཞེས་པའི་ཆེད་སྤེལ་བྱ་སྤྱོད་སྤེལ་བ་ནས་ཟླ་10ཚེས་31ཉིན་གྱི་བར་དུ། འབྲེལ་ཡོད་རྒྱལ་ཁབ་དང་ས་ཁུལ་གྱི་ཁྲིམས་འཛིན་སྡེ་ཁག་གིས་རྒྱབ་སྐྱོར་དང་གཞོགས་འདེགས་བྱས་པའི་འོག  རྒྱལ་ཡོངས་ཀྱི་སྤྱི་བདེ་ལས་ཁུངས་ཀྱིས་རྒྱལ་ཁབ་དང་ས་ཁུལ་63ནས་རིགས་མི་འདྲ་བའི་ཕྱིར་བྲོས་པའི་མི་སྣ་627འཛིན་བཟུང་བྱས་པ་དང་། དེའི་ནང་འཛིན་བཟུང་བྱས་ནས་ཁྲིམས་ལ་སྦྱར་བའི་མི་365དང་། མགོ་སྒུར་ཉེས་ཞུ་བྱས་པའི་མི་258  ས་ཆ་གཞན་ནས་ཁྲིམས་སྦྱོར་བདའ་འདེད་བྱས་པ་མི་4  གྱོད་འབྲེལ་མ་དངུལ་སྒོར་ཁྲི་སྟོང་ཕྲག་ཡན་གྱི་མི་162  ཕྱི་རྒྱལ་དུ་བྲོས་ནས་ལོ་10ལས་བརྒལ་བའི་མི་32བཅས་ཡོད་པ་རེད།