༄༅།།བོད་ལྗོངས་དྲག་ཆས་ཉེན་རྟོག་གིས་དམག་དོན་ལུས་རྩལ་འགྲན་བསྡུར་སྦྱོང་བརྡར་བྱས་པ།

     མི་དམངས་དྲ་བའི་འཕྲིན། ཟླ་2ཚེས་19ཉིན། དྲག་ཆས་ཉེན་རྟོག་བོད་ལྗོངས་སྤྱི་ཁྱབ་རུ་ཁག་གི་བབ་བསྟུན་ཉིང་ལག་རུ་ཁག་དང་པོས་དམག་དོན་ལུས་རྩལ་འགྲན་བསྡུར་སྒྲིག་འཛུགས་བྱས་ནས་གཞི་རིམ་རུ་འབྲིང་ཁག་གིས"དམག་ཧྲག་དཔོན་འཇོན"མངག་གཏོང་བྱས་ཏེ་འགྲན་བསྡུར་འགྲན་ཚན་ལྔར་ཞུགས་པ་རེད། དམག་དོན་ལུས་རྩལ་ནི་དམག་དོན་འགྲན་བསྡུར་དང་། ལུས་རྩལ་གྱི་འགྲན་བསྡུར་གཞི་གཅིག་ཏུ་འདུས་པའི་ཕྱོགས་བསྡུས་རང་བཞིན་གྱི་ལུས་རྩལ་འགྲན་བསྡུར་གྱི་རྣམ་གྲངས་ཞིག་ཡིན།
     དམག་མི་གསར་པ་ཁོང་ལེ་ཡིས་བསོད་བདེ་ཆེན་པོ་བྱུང་ནས་དམག་དོན་ལུས་རྩལ་འགྲན་བསྡུར་འདིར་ཞུགས་ཐུབ་པས། འགྲན་བསྡུར་བྱས་པ་བརྒྱུད་དམག་མི་རྒན་གྲས་ཚོ་དང་བར་ཐག་ཇེ་ཉེར་ཕྱིན་ནས་རང་ཉིད་སྔར་ལས་མགྱོགས་པའི་སྒོ་ནས་དམག་དཔུང་གི་ཁྱིམ་གཞིས་ཆེན་པོ་ནང་མཉམ་འདྲེས་བྱེད་ཐུབ་ཡོད་ཅེས་བརྗོད་པ་རེད། 【1】  【2】  【3】