༄༅།།བོད་ལྗོངས་ཀྱི་མཐའ་མཚམས་སུ་བརྒྱད་གཅིག་དུས་ཆེན་བསུ་བ།

    མི་དམངས་དྲ་བའི་འཕྲིན། བཅིངས་འགྲོལ་དམག་དབུ་བརྙེས་ནས་ལོ་ངོ་90འཁོར་བའི་མཚམས་འདིར། “འཚོ་གནས་བྱ་ཐབས་བྲལ་བའི་ཁུལ”ཞེས་པར་བཅའ་སྡོད་ས་སྲུང་བྱེད་པའི་བོད་ལྗོངས་མངའ་རིས་དམག་ཁུལ་ཁང་གིས་དཔོན་དམག་སྒྲིག་འཛུགས་བྱས་ནས། རྒྱ་མཚོའི་ངོས་ལས་མཐོ་ཚད་སྨི་4200ཡོད་པའི་སེང་གེ་ཁ་འབབ་ཀྱི་དཔའ་བོའི་བང་སོའི་སྐྱེད་ཚལ་དུ་བསྐྱོད་དེ་དྲན་གསོའི་བྱེད་སྒོ་རྣམ་པ་འདྲ་མིན་སྣ་ཚོགས་སྤེལ་བ་རེད། དཔོན་དམག་ཚོས་གནས་བཤད་པས་གསལ་བཤད་བྱས་པའི་བོད་བསྐྱོད་སྔོན་སྐྱོད་བརྒྱ་ཤོག་གི་གསར་བརྗེའི་སྔོན་རབས་པ་ཚོའི་དཔའ་བོའི་མཛད་རྗེས་ནན་ཏན་ཉན་པ་མ་ཟད། སྔོན་རབས་པ་ཚོའི་བང་སོའི་མདུན་དུ་དམག་ལ་ཞུགས་སྐབས་བཞག་པའི་དམ་ཚིག་བསྐྱར་དུ་བསམ་ཞིབ་ཀྱང་བྱས་པ་རེད།