༄༅།།ཐེ་ལན་རྒྱལ་ཁབ་ཀྱི་ཆུ་གཤོའི་དུས་ཆེན་སྐབས་འགྲིམ་འགྲུལ་གྱི་དོན་རྐྱེན་བྱུང་སྟེ་མི་གྲངས་
4000ལྷག་ཙམ་ཤི་རྨས་བྱུང་བ།
གསར་འགྱུར་སྤེལ་དུས། 【2017ལོའི་ཟླ་ 04ཚེས་19ཉིན། 14:41】 (རྩོམ་སྒྲིག་འགན་འཁུར་པ། སྙིང་ལྕགས།)
མི་དམངས་དྲ་བའི་འཕྲིན། ཐེ་ལན་སྲིད་གཞུང་གི་འབྲེལ་ཡོད་སྡེ་ཁག་གིས་ཟླ་4ཚེས་18ཉིན་ཡོངས་བསྒྲགས་བྱས་པ་ལྟར་ན། ད་ལོའི་ཆུ་གཤོའི་དུས་ཆེན་(ཟླ་4ཚེས་11ནས་17ཉིན་བར་)ཡིན་པ་དང་། རྒྱལ་ཡོངས་སུ་འགྲིམ་འགྲུལ་གྱི་དོན་རྐྱེན་ཁྱོན་བསྡོམས་3690བྱུང་ནས། མི་གྲངས་390རྐྱེན་ལམ་དུ་ཤོར་བ་དང་། མི་གྲངས་3808ལ་རྨས་སྐྱོན་ཕོག་པ་རེད།
ཐེ་ལན་ནང་སྲིད་པུའུ་ཡི་འགོ་ཁྲོད་ཀྱིས་ད་ལོའི་ཆུ་གཤོའི་དུས་ཆེན་རིང་འགྲིམ་འགྲུལ་གྱི་དོན་རྐྱེན་བྱུང་བ་དེ་སྔ་ལོའི་དུས་མཉམ་དང་བསྡུར་ན་7.05%འཕར་བ་དང་། རྨས་སྐྱོན་ཕོག་མི་4.16%འཕར་ཡོད་པ་རེད། འོན་ཀྱང་རྐྱེན་ལམ་དུ་ཤོར་བའི་མི་གྲངས་དུས་མཉམ་ལས་མི་གྲངས་52ཇེ་ཉུང་དུ་སོང་བས། 11.76%ཆག་འདུག་ཅེས་བསྟན་པ་རེད།
ལོ་རེའི་ལོ་གསར་དང་ཆུ་གཤོའི་དུས་ཆེན་གྱི་སྐབས། ཐེ་ལན་གྱི་འགྲིམ་འགྲུལ་དོན་རྐྱེན་མང་བའི་དུས་ཡིན་པས། དུས་ཆེན་འདི་གཉིས་ལ་"ཉེན་ཆེའི་ཉིན་བདུན་"ཞེས་འབོད་བཞིན་ཡོད་པ་རེད།