༄༅།།བུད་མེད་ཀྱི་འཁྱགས་ལྡིར་འཛམ་གླིང་ལེགས་སྐྱེས་འགྲན་བསྡུར་འགྲན་འགོ་ཚུགས་པ།

       མི་དམངས་དྲ་བའི་འཕྲིན། ཟླ་3ཚེས་18ཉིན་ཁང་པི་ཐེ་2017ལོའི་པེ་ཅིང་འཛམ་གླིང་བུད་མེད་འཁྱག་ལྡིར་ལེགས་སྐྱེས་འགྲན་བསྡུར་པེ་ཅིང་དུ་འགོ་ཚུགས་ཤིང་། ཀྲུང་གོའི་བུད་མེད་འཁྱག་ལྡིར་རུ་ཁག་ལ་རེས་སྐོར་དང་པོའི་འགྲན་བསྡུར་སྐབས་འཛམ་གླིང་གི་ཨང་གཉིས་པ་ཡིན་པའི་ཁ་ན་ཏའི་རུ་ཁག་ཕྲད་ཅིང་། འགྲན་བསྡུར་ལ་ཀྲུང་གོའི་བདམས་ཐོན་པའི་མཚོན་ཚུལ་ལེགས་མོད། ཁ་ན་ཏའི་རུ་ཁག་གི་རུ་མི་དང་བསྡུར་ན་མི་འདང་བའི་ཆ་མང་པོ་ཡོད་པས་མཐར་3：9ཡི་སྐར་གྲངས་ཀྱིས་ཁ་ན་ཏའི་རུ་ཁག་ལ་ཕམ་པ་རེད།