༄༅།།བོད་ལྗོངས་དམངས་གཉེར་ཁེ་ལས་ཀྱིས་བརྩེ་སེམས་མཚོན་པའི་དངོས་ཟོག་ཕུལ་ནས་
དབུལ་སྐྱོར་བྱས་པ།
གསར་འགྱུར་སྤེལ་དུས། 【2016ལོའི་ཟླ་ 09ཚེས་28ཉིན། 14:58】 (རྩོམ་སྒྲིག་འགན་འཁུར་པ། མཁའ་འགྲོ།)
མི་དམངས་དྲ་བའི་འཕྲིན། ཟླ9ཚེས་26ཉིན། ལྷ་ས་གྲོང་ཁྱེར་བཟའ་བཅའ་སྨན་རྫས་ལྟ་སྐུལ་དོ་དམ་ཅུས་ཀྱི་གྲོང་གསེབ་བཅའ་སྡོད་ལས་དོན་རུ་ཁག་གིས་བོད་ལྗོངས་ཀྱི་དམངས་གཉེར་ཁེ་ལས་ཤིག་ལ་འབྲེལ་བ་བྱས་ཏེ། བོད་ལྗོངས་ལྷ་ས་གྲོང་ཁྱེར་མལ་གྲོ་གུང་དཀར་རྫོང་གུང་དཀར་གྲོང་བརྡལ་གྱི་སྐལ་བཟང་གྲོང་ཚོའི་དུད་ཚང་དབུལ་པོ་དང་མ་མཐའི་འཚོ་བའི་འགན་ལེན་གྱི་དུད་ཚང་50། བྱིས་པ་62ལ་འཚོ་བའི་མཁོ་ཆས་ཀྱི་དངོས་ཟོག་སྤྲོད་པའི་སྤྱི་ཕན་བྱེད་སྒོ་སྤེལ་ནས། ཡུལ་དེའི་དབུལ་སྐྱོར་ལས་དོན་ལ་རོགས་སྐྱོར་བྱས་པ་རེད། འདི་ནི་བརྩེ་སེམས་ཁེ་ལས་ཀྱི་འགན་ཁུར་བ་ཕང་ཧའེ་ཅུན་(གཡོན་)གྱིས་གྲོང་མི་ཚོ་ལ་བརྩེ་སེམས་མཚོན་པའི་དངོས་ཟོག་སྤྲོད་བཞིན་པ།