༄༅།།ཏ་ལེན་གྲོང་ཁྱེར་ཞིང་ཧའེ་མཚོ་ཁུག་གི་མཚོ་བརྒལ་ཟམ་ཆེན་ལ་རླངས་འཁོར་དངོས་སུ་
ཤར་གཏོང་བྱས་པ།

     མི་དམངས་དྲ་བའི་འཕྲིན། 2015ལོའི་ཟླ་10ཚེས་30ཉིན་ཏ་ལེན་གྲོང་ཁྱེར་ཞིང་ཧའེ་མཚོ་ཁུག་གི་མཚོ་བརྒལ་ཟམ་ཆེན་དུ་རླངས་འཁོར་དངོས་སུ་ཤར་གཏོང་བྱེད་འགོ་བརྩམས་པ་རེད། ཟམ་པ་དེ་ནི་བྱང་ཤར་ས་ཁུལ་གྱི་མཚོ་བརྒལ་ཟམ་ཆེན་རིང་ཤོས་ཀྱི་ཨར་ལས་ཤིག་ཡིན་པ་དང་། ཀྲུང་གོའི་མཚོ་ཐོག་ཏུ་ས་བཟུང་གཏིང་རྡོ་བཙུགས་ནས་བསྐྲུན་པའི་མཚོ་བརྒལ་དཔྱང་ཟམ་ཐོག་མ་རེད། ཞིང་ཧའེ་མཚོ་ཁུག་གི་མཚོ་བརྒལ་ཟམ་ཆེན་གྱི་སྤྱིའི་རིང་ཚད་ལ་སྤྱི་ལེ་6.8ཡོད་པ་དང་། རླངས་འཁོར་གྱི་མྱུར་ཚད་ནི་ཆུ་ཚོད་རེ་ལ་སྤྱི་ལེ་60ཙམ་ཡིན་ཞིང་། ཟམ་ཆེན་ནི་ཕྱོགས་གཉིས་ཕན་ཚུན་འཁོར་ལམ་8ཡོད་ལ། འཁོར་ལམ་ཐོག་འོག་རིམ་པ་ཉིས་བརྩེགས་ཅན་ཡིན་པ་མ་ཟད། ཟམ་ཆེན་སྟེང་ད་དུང་མི་བགྲོད་ལམ་བུ་ཡང་ཡོད་པ་རེད།