༄༅།།བོད་ལྗོངས་ཀྱི་དམངས་འཛུགས་ལས་རིགས་སློབ་གྲྭས་ཞིང་འབྲོག་ཁུལ་གྱི་བུ་ཕྲུག་གི་ལས་
ཞུགས་ཐབས་ལམ་རྒྱ་ཆེར་བཏང་བ།

     མི་དམངས་དྲ་བའི་འཕྲིན། ད་ཕན་ལོ་ཤས་རིང་དམངས་འཛུགས་བོད་ལྗོངས་གཞིས་རྩེ་གྲོང་ཁྱེར་ཤིན་ཏ་ལས་རིགས་ལག་རྩལ་གསོ་སྦྱོང་སློབ་གྲྭས་བོད་མི་རིགས་ཀྱི་སྲོལ་རྒྱུན་ཁྱད་ལྡན་ལག་ཤེས་བཟོ་རྩལ་རྒྱུན་འཛིན་དང་འཕེལ་རྒྱས་ཧུར་ཐག་བཏང་ནས་སློབ་མར་ལས་རིགས་རྩལ་ནུས་གསོ་སྦྱོང་བྱས་ཏེ་ལས་ཞུགས་ཐབས་ལམ་བཙལ་བ་རེད། ཤེས་རྟོགས་བྱུང་བར་གཞིགས་ན། སློབ་གྲྭ་དེ་2010ལོར་བཙུགས་པ་ནས་བཟུང་མི་རིགས་ལག་ཤེས་བཟོ་ལས་ལག་རྩལ་མི་སྣ་400ཙམ་གསོ་སྐྱོང་བྱས་པ་དང་འབྲེལ་ཁོང་ཚོའི་ལས་ཞུགས་གནད་དོན་ཐག་གཅོད་བྱས་པ་དེའི་ནང་སློབ་མ་18གསོ་སྦྱོང་ལེགས་གྲུབ་ཟིན་རྗེས་ཐད་ཀར་སློབ་གྲྭར་ལས་ཞུགས་བྱས་ཤིང་། འདི་ནི་གཞིས་རྩེ་གྲོང་ཁྱེར་ཤིན་ཏ་ལས་རིགས་ལག་རྩལ་གསོ་སྦྱོང་སློབ་གྲྭའི་སློབ་མས་ཐང་ག་འབྲི་བའི་གནས་ཚུལ་ཡིན་པ།