༄༅།།པུ་རུ་སེར་རུ་་ཀ་ར་ཁྲོག་ལེ་ལས་བཟོས་པའི་བཟོ་བཀོད་གྲགས་ཅན་གྱི་བརྐོས་མ་མངོན་པ།

     མི་དམངས་དྲ་བའི་འཕྲིན། ཉེ་ཆར་པེར་ཀྲམ་རྒྱལ་ཁབ་ཀྱི་རྒྱལ་ས་པུ་རུ་སེར་གྲོང་ཁྱེར་གྱི་བཟོ་བཀོད་གྲགས་ཅན་གསུམ་སྟེ་མ་རྡུལ་ཟླུམ་པོ་དང་། ལོ་ལྔ་བཅུའི་ཕོ་བྲང་གི་རྒྱལ་ཁ་མཚོན་པའི་སྒོ་ཆེན། ལྷག་བསམ་དག་ཞིང་ཆོས་ཁང་བཅས་ཀ་ར་ཁྲོག་ལེ་ལས་བཟོས་པའི་བརྐོས་མ་པུ་རུ་སེར་གྲོང་ཁྱེར་གྱི་པེར་ཀྲམ་ཀ་ར་ཁྲོག་ལེ་གྲོང་ཚོར་མངོན་པ་རེད། ཀ་ར་ཁྲོག་ལེ་རྒྱུ་ཆ་བྱས་ནས་བཟོས་པའི་བརྐོས་མ་གསུམ་པོ་ནི་མིང་དུ་གྲགས་པའི་ཀ་ར་ཁྲོག་་ལེ་རྐོ་བཟོ་མཁས་པས་བཟོས་པ་ཡིན་ཞིང་། དེ་དག་བཟའ་ཆས་སུ་བྱས་ཆོག་མོད། འོན་ཀྱང་ཀ་ར་ཁྲོག་ལེ་གྲོང་ཚོས་ཀ་ར་ཁྲོག་ལེ་ལས་བཟོས་པའི་བརྐོས་མ་གསུམ་པོ་ཡུན་ནས་ཡུན་དུ་གསོག་འཇོག་བྱས་ཏེ་ཡུལ་སྐོར་བ་རྣམས་ལ་གཟིགས་སྐོར་བྱེད་དུ་འཇུག་རྒྱུའི་གཏན་འཁེལ་བྱས་པ་རེད།