༄༅།།ཀུང་ཁང་སློབ་འབྲིང་གི་2015སློབ་རིམ་གྱི་སློབ་མ་གསར་པའི་འཇོན་ཐང་ངོམ་པའི་
མཉམ་འཛོམས་འཁྲབ་སྟོན།
གསར་འགྱུར་སྤེལ་དུས། 【2015ལོའི་ཟླ་ 10ཚེས་22ཉིན། 13:45】 (རྩོམ་སྒྲིག་འགན་འཁུར་པ། བཀྲ་ཤིས།)
མི་དམངས་དྲ་བའི་འཕྲིན། ཉེ་ཆར་ཧྲང་ཧའེ་ཀུང་ཁང་སློབ་འབྲིང་གིས“ཕུགས་འདུན་བཅངས་ཏེ་ནམ་འཕང་གཅོད་པ་”བརྗོད་བྱ་གཙོ་བོར་བྱས་པའི་2015སློབ་རིམ་གྱི་སློབ་མ་གསར་པའི་འཇོན་ཐང་ངོམ་པའི་མཉམ་འཛོམས་འཁྲབ་སྟོན་སྤེལ་བ་རེད། ཐེངས་འདིའི་བྱེད་སྒོ་འདིས་སློབ་མ་གསར་པ་རྣམས་ལ་རང་ཉིད་སྦྱོང་བརྡར་དང་འཇོམ་ཐང་ངོམ་པའི་གར་སྟེགས་ཤིག་བསྐྲུན་ཡོད་པ་མ་ཟད། ནང་ལོགས་ས་ཁུལ་གྱི་བོད་ལྗོངས་འཛིན་གྲྭའི་སློབ་མ་ཚོར་རང་གི་དམིགས་བསལ་འཇོན་ཐང་ཐོག་ནས་ཁྱིམ་གཞིས་ཆེན་པོ་འདིའི་ནང་ཞུགས་པར་བྱས་ཡོད།
ཐེངས་འདིའི་མཉམ་འཛོམས་འཁྲབ་སྟོན་ལ་གླུ་དབྱངས་དང་། ཞབས་བྲོ། འཁྲབ་ཚན་ཆུང་བ་སོགས་ཀྱི་ལེ་ཚན་ཡོད་ལ་ཧྲང་ཧའེ་ཀུང་ཁང་སློབ་འབྲིང་གི་སློབ་མ་གསར་པ་ཚོར་ཕུགས་འདུན་བཅངས་ཏེ་ན་གཞོན་གྱི་གཤོག་པ་བརྐྱང་ནས་མཉམ་དུ་ནམ་འཕང་གཅོད་པའི་གོ་སྐབས་བསྐྲུན་པ་རེད།