༄༅།།ཚ་བའི་འོག་ནས“དྭངས་ཤིང་བསིལ་བའི་ཆུ”མཁོ་འདོན་བྱེད་པ།

     མི་དམངས་དྲ་བའི་འཕྲིན། ཉེ་ཆར། ཧྲན་ཏུང་ཞིང་ཆེན་ཆིང་ཏའོ་གྲོང་ཁྱེར་དུ་བསྟུད་མར་ཚ་བ་ཆེ་བས། སྤྱི་ཚོགས་སྤྱི་ཕན་རྩ་འཛུགས་ཀྱིས"ཚ་བའི་འོག་གི་ངལ་རྩོལ་པ་ལ་སེམས་ཁུར་བྱེད་པའི"བྱེད་སྒོ་སྤེལ་རྒྱུའི་གྲོས་འགོ་བཏོན་ཞིང་། བྱམས་སེམས་ལས་ཁུངས་དང་ཁེ་ལས་དག་དེའི་ནང་ཧུར་ཐག་གིས་ཞུགས་ཏེ། ཕྱི་རོལ་མི་མང་པོ་འདུ་སར་འཁྱགས་སྒམ་འཇོག་པ་དང་། བཏུང་ཆུ་རང་འགུལ་གྱིས་སྤྲོད་པའི་ས་གནས་སྒྲིག་བཀོད་བྱས་ནས། ཁོར་ཡུག་སྲུང་སྐྱོང་བྱེད་མཁན་དང་འགྲིམ་འགྲུལ་ཉེན་རྟོག་པ། སྦྲག་པ། ཟས་སྐྱེལ་མཁན་སོགས་ཚ་བའི་འོག་ཏུ་ངལ་རྩོལ་བྱེད་མཁན་རྣམས་ལ་“དྭངས་ཤིང་བསིལ་བའི་ཆུ”མཁོ་འདོན་བྱས་པ་རེད།