༄༅།།ཀླུ་ནང་གྲོང་རྡལ་ཆུང་ངུའི་མཛེས་ལྗོངས།

       མི་དམངས་དྲ་བའི་འཕྲིན། ཀླུ་ནང་ཡུལ་སྐོར་མཛེས་ལྗོངས་ཁུལ་ནི་རྒྱལ་ཁབ་རིམ་པའི་4Aཡུལ་སྐོར་མཛེས་ལྗོངས་ཁུལ་ཡིན་ཞིང་། ཀླུ་ནང་ལ་ཀླུའི་རྒྱལ་པོའི་འབྲུ་མཛོད་དང་ལྷའི་སྡོད་གནས་ཞེས་གྲགས་ལ། རང་བྱུང་གི་གསོ་རླུང་ལྡན་པ་དང་སྐྱེ་དངོས་ཀྱི་གཞི་རྒྱུའི་མཛོད་ཅེས་འབོད་སྲོལ་ཡོད།  དེ་ནི་ཀྲུང་གོའི་ནགས་ཚལ་སྔོ་ཁེབས་རིགས་ཕུན་སུམ་ཚོགས་ཤོས་ཀྱི་ས་ཁོངས་གྲས་ཤིག་རེད། མཛེས་ལྗོངས་ཁུལ་ནི་རྒྱལ་ལམ་318ཀྱི་ཡུལ་ལྗོངས་ཚེས་མཛེས་ཤོས་ཀྱི་ལམ་ཆེན་བོད་ལྗོངས་ཀྱི་ཉིང་ཁྲིའི་སྤོ་བོའི་ལམ་དུམ་ནང་གནས་ཡོད་ཅིང་། གསེར་སྐྱེམས་ལ་རྒྱལ་ཁབ་ནགས་ཚལ་སྤྱི་གླིང་གི་ལྟེ་བའི་ས་ཁོངས་དང་ཉིང་ཁྲི་གྲོང་ཁྱེར་སྲིད་གཞུང་གནས་ཡུལ་བྲག་ཡིབ་ཆུས་དང་བར་ཐག་སྤྱི་ལེ་70ཙམ་དང་། ལྟེ་བའི་གྲོང་ཁྱེར་ལྷ་ས་དང་བར་ཐག་སྤྱི་ལེ་312ཡོད། “ཤར་ཕྱོགས་ཀྱི་སུའེ་ཙེར”ཞེས་བརྗོད་སྲོལ་ཡོད་པའི་ཀླུ་ནང་རྒྱལ་སྤྱིའི་ཡུལ་སྐོར་གྲོང་རྡལ་ཆུང་ངུ་དེ་ཀླུ་ནང་མཛེས་ལྗོངས་ཁུལ་གནས་ཡུལ་དུ་ཡོད་པ་རེད།